Timur Kapadze: "Italiya A seriyasi yulduzlariga qarshi oxirigacha g'alaba uchun o'ynaymiz"
18 may 2022 17:47
Yangiliklar

Timur Kapadze: "Italiya A seriyasi yulduzlariga qarshi oxirigacha g'alaba uchun o'ynaymiz"

Teglar : Timur Kapadze

Bugungi bahsdan oldin O'zbekiston afsonalar terma jamoasi safida maydonga tushadigan Timur Kapadzening fikrlari bilan qiziqdik.

"Birinchi navbatda tashkilotchilarga, rahbariyatga rahmat aytaman. Biz uchun terma jamoa libosini kiyish doim faxrli. O'zbek futbolining 110 yilligi munosabati bilan tashkil etilayotgan o'yin yaxshi o'tadi deb o'ylayman. Uchrashuvga bo'lgan qiziqish ham katta.

Bu yigitlar bilan taxminan 15 yil davomida birga to'p tepganmiz. Eski xotiralarni esladik, yaxshi damlarni yodga oldik. To'g'ri ko'pchilik futbolchilar shu erda lekin doim ham yig'ilishga vaqt bo'lmaydi, mana chetdan Sasha Geynrix keldi.

Anchadan buyon futbol o'ynamaganmiz. Italiya tomonidan ham yaxshi futbolchilar keldi, Jahon chempionlari ham bor.

Albatta bunday bayramlarda katta hisobli duranglar ko'p bo'ladi. Ammo ishoning biz oxirigacha kurashamiz, terma jamoa libosini kiydikmi faqat g'alaba uchun maydonga tushamiz", - dedi Timur Kapadze.