Timur Kapadze: "Bosh murabbiyni yaqinda almashtirgan jamoaga qarshi o'ynash oson emas, ammo g'alaba qozonishni uddaladik"
16 apr 2023 21:30
Yangiliklar

Timur Kapadze: "Bosh murabbiyni yaqinda almashtirgan jamoaga qarshi o'ynash oson emas, ammo g'alaba qozonishni uddaladik"

Teglar : Timur Kapadze “Olimpik”“Buxoro”

Coca Cola Superliganing 6-turi doirasidagi “Olimpik” - “Buxoro” uchrashuvidan so'ng mezbonlar bosh murabbiyi Timur Kapadze matbuot anjumanida qatnashdi.

- O'yin haqidagi qisqacha fikrlaringiz?

- Jamoamni g'alaba bilan tabriklayman. Barcha bugungi g'alabani kutayotgan edi. "Turon" va "Buxoro"ga qarshi uchrashuvlar oson bo'lmasligi aniq edi. Bosh murabbiyni yaqinda almashtirgan jamoaga qarshi o'ynash oson emas, lekin asosiysi biz bugun g'alaba qozondik. 10 kishi bo'lib qolib ham yigitlar irodali o'yin namoyish etishdi.

- Qizil kartochka o'yinga qay darajada tasir qildi deb o'ylaysiz?

- CHetlatish biz uchun imtihon bo'ldi deb ayta olaman, sababi bir kishi kam bo'lib qolganimizda katta bosim bo'ldi. O'ylaymanki, agar chetlatish bo'lmaganida ko'proq gol urishimiz mumkin edi. Ikkinchi bo'limda esa, raqib xatosini kutib qarshi hujumga tayandik. 1:0 hisobini saqlab qoldik va bu uchrashuv biz uchun ancha foydali bo'ldi.

- Mavsum davomida futbolchilaringiz ko'p marotaba maydondan chetlatilmoqda va ushbu holat jamoangizni ancha qiynab qo'ydi, bugungi uchrashuvda hisobni saqlab qolishga erishdingizlar, lekin kuchli raqiblar bunday xatoni kechirmasligi mumkin. Qizil kartochkalar sonini kamaytirish uchun, bosh murabbiy sifatida ushbu holat bo'yicha yigitlar bilan suhbatlashmadingizmi?

- Bu masala bo'yicha ishlamoqdamiz. "Turon" bilan bo'lgan bahsga qadar 5ta o'yinchimiz shu sabab tufayli jamoaga yordam bera olmayotgan edi. Ruhshunos ushbu masala bo'yicha suhbat olib bordi. Bugungi vaziyatga keladigan bo'lsak futbolchiga tajriba etishmadi, yigitlarning yoshligi sabab ularga sovuqqonlik etishmayapti. Ushbu mavsumda nafaqat bizda, balki barcha jamoalarda qizil kartochkalar ko'payib qoldi.

- Futbolchi bilan shaxsan suhbat olib borasizmi?

- Men futbolchi bilan gaplashib bo'ldim, u maydoni tark etayotgan vaqti unga etiroz bildirib o'tdim. G'iyosov mashg'ulot jarayonlarida ham shunday tarzda to'p olib qo'yishga harakat qiladi. O'sha vaziyatda u sal engilroq o'ynasa bo'lar edi. U o'zi uchun xulosa chiqardi deb o'ylayman, sababi o'yin amaliyotidan mahrum bo'lish futbolchi uchun katta jazo.

Havola :

Manba : championat.asia

Yangiliklarni Telegramda o'qing!

Reyting: