Timur Kapadze: "Biz doim penaltilar seriyasiga tayyorlanamiz va raqiblarni o'rganamiz"

O'zbekiston U-23 terma jamoasi bosh murabbiyi Timur Kapadze tayyorgarlik, o'yinlar rejasi va darvozabonlar haqida quyidagicha fikr bildirdi.

"O'z uslubimiz, rejamiz bor. Lekin bu raqibga qarab ham o'zgarib boradi, albatta. Osiyo o'yinlarida ham raqiblarimizga qarab reja bo'yicha ishladik.

Darvozabonlar masalasida kimga ko'proq ishonch berish borasida hali aniq qarorga kelmadik. Hali ham ishlayapmiz. Kim tayyor bo'lsa, o'zini yaxshi his qilsa, o'sha o'ynaydi.

Intizom haqida keladigan bo'lsak, yigitlar bu turnirning darajasini tushunib turibdi. Umid qilamiz, bu borada muammo bo'lmaydi.

Biz doim penaltilar seriyasiga tayyorlanamiz va raqiblarni ham o'rganamiz".