Superliganing 23-turida hakamlar qabul qilgan bahsli qarorlar tahlili. Rossiyalik mutaxassisimizdan navbatdagi tekshiruv

"Paxtakor" – "Lokomotiv" (VIDEO)

"Paxtakor" futbolchisi hujumdagi ehtiyotsizlik tufayli qoidabuzarlik amalga oshirdi. U sodir etgan qo'pollikda qo'rs harakat qilish, tezlik ham yo'q, shunchaki yarim himoyachi ehtiyotsizlik bilan, qolaversa, biroz kechikib kurashga kirdi. Sariq kartochka, katta ehtimol bilan, sportchiga xos bo'lmagan xatti-harakatlari uchun ko'rsatilgan, chunki qoidabuzarlikdan keyin o'yinchi hakamlarning qaroriga noroziligini ko'rsatdi. Bu holat uchun bitta sariq kartochka etarli. Hakam to'g'ri qaror qabul qildi.

"Surxon" – "Qizilqum" (VIDEO)

Ushbu vaziyatni ikkita qismga ajratish mumkin: birinchisi ikki o'yinchi o'rtasidagi kurash bo'lsa, keyingisi himoyachining to'pni qo'l bilan o'ynash jarayoni (ikkinchi rakursdan namoyish etilgan sekinlashtirilgan takroriy vaziyatda to'p qo'lga qanday tekkanini ko'rishingiz mumkin).

Birinchidan, o'zaro yakkama-yakka kurashga qoidabuzarlik sifatida qaralmaslik kerak. Ikkala o'yinchi qo'llari va tanasi bilan bir-birini turtmasdan, poziciya uchun deyarli muvozanatni saqlagan holda kurash olib bordi. Ikkinchidan, himoyachi poziciya uchun kurashda yutqazdi, shu bois u ko'ngilsiz holatga tushib qoldi, ikkala qo'lini yon tomonga tashladi, go'yoki o'zini orqadan turtilayotganday ko'rsatishga harakat qildi. SHunday bo'lsa-da, to'p tanadan yonga yoyilgan o'ng qo'lga tegdi. Qaror: sankciyasiz 11 metrlik jarima zarbasi. Hakam haq edi.

"Nasaf" – "Bunyodkor" (VIDEO)

Bu vaziyatda o'yindan tashqari holat mavjud emas, chunki jarima zarbasidan to'p etkazib berilganda gol urgan hujumchining poziciyasi hisobga olinishi kerak. Bu vaziyatda barcha hujumkor o'yinchilar to'g'ri holatda joylashgan. Keyin to'p himoyachi tarafga keladi, shundan so'ng to'pni gol urgan o'yinchi qabul qilib oladi. Agarda bu uzatmani himoyachi tomonidan amalga oshirilmagan, balki rikoshet orqali deya hisoblasak ham, baribir, barcha hujum qilayotgan o'yinchilar dastlab to'g'ri poziciyada joylashgandi. Gol to'g'ri kiritildi.

"Navbahor" – "Olimpik" (VIDEO)

Takroriy lavhalarning hech biri hujum qilayotgan o'yinchining raqibini turtib yuborgan yoki ushlab qolganiga asos bo'la olmaydi. Hujumchi yuqoriga sakrab, qo'llarini himoyachi tomon harakatlantirmasdan, to'p uchun kurashdi va gol uradi. Menimcha, golni hisoblash kerak, chunki bu kurashning ruxsat etilgan darajasi sanaladi. Qo'llarning raqibning orqa qismi yoki elkasida bo'lishi bu qoidalarni buzish degani emas. Ushbu epizodda hakamlar buni to'g'ri fahmlashdi.

"Qo'qon-1912" – "So'g'diyona" (VIDEO)

Hujum qilayotgan o'yinchi to'p uchun kurashda g'alaba qozonadi va boshi bilan darvoza tomon zarba berdi. Keyin esa to'p qo'lini yon tomonga cho'zib, tana qismining maydonini oshirgan himoyachining qo'liga tegdi. Bu holat qoida buzilishi sanaladi. Penalti belgilanishi va sariq kartochka ko'rsatilishi lozim. Hakamlar to'g'ri qaror qabul qilishdi.

AGMK – "Dinamo" (VIDEO)

Bir necha soniya farq oralig'idagi ikkita epizodni o'z ichiga olgan baholash qiyin bo'lgan qiyin vaziyat hisoblanadi.

Birinchi vaziyatda himoyachi hujumchiga tik holatda ro'baro' keladi. Himoyachi bu tarzda harakat qilib katta tavakkal qiladi, biroq u bir vaqtning o'zida to'p uchun o'ynaydi, so'ngra inerciya holati tufayli hujumchi bilan to'qnashuv sodir bo'ladi. Epizodni baholash uchun yaxshiroq takroriy vaziyat namoyish etilmagan, ehtimol bu holatda to'p uchun harakat yo'qdek va dastlab hujumchiga nisbatan kontakt bo'lgandek go'yo. Ammo takroriy vaziyatlarga qarab, qulay poziciyada joylashgan va to'qnashuv tafsilotlarini bevosita kuzatib, uni baholashga harakat qilgan hakamning qaroriga ishonmaslik uchun hech qanday asos yo'q.

Ikkinchi holat ham bahsli: himoyachining tizzasi bukilgan holatda oyoq bilan harakatga kirishdi. Biroq to'qnashuv vaqtida hujumchi himoyachi bilan to'qnashib, biroz orqaga tisarilgandek ko'ringan. Bu erda men ham hakamning o'yinni davom ettirish qarorini qo'llab-quvvatlayman.

AGMK – "Dinamo" (VIDEO)

Yana bir qiyin epizod. To'g'ridan yoki boshqa tomondan yaxshi rakurs namoyish etilmagan. Biroq oxirgi rakursga qarab, o'yinchi to'pni qisman elkasining yuqori qismi bilan o'ynaganini anglash mumkin. Hakamning qarorini tasdiqlash uchun o'yin qoidalarining matni va rasmiga nazar solishimiz mumkin (98-99-betlar), bu erda qo'l chegarasi aniq ko'rsatilgan. SHuningdek, unda shunday yozilgan: "To'pni qo'l bilan o'ynash chegarasi qo'ltiqosti qismi sanaladi". Ushbu epizodda o'yinchi to'pga bu chegaradan yuqoriroq tana qismi bilan tekkan. To'g'ri echim o'yinni davom ettirish hisoblanadi. Hakamlar to'g'ri qaror qabul qilishdi.

SHu tariqa, hakamlar ettita epizodning barchasida to'g'ri qaror qabul qilishdi.