Superligadan 12ta, Pro ligadan 1ta. Bu yil kimlar xorijda yig'in o'tkazadi?
09 jan 2023 17:12
Yangiliklar

Superligadan 12ta, Pro ligadan 1ta. Bu yil kimlar xorijda yig'in o'tkazadi?

Superliga jamoalari yangi mavsumga tayyorgarlikning navbatdagi bosqichiga kirishishgan.

Ayni paytda Toshkentda bir nechta jamoalar o'quv-mashg'ulot yig'inlarini olib bormoqda. O'rtoqlik uchrashuvlari orqali o'yinni shakllantirish jarayoni boshlangan. Klub rahbarlari esa futbolchilar bilan muzokaralarga kirishishgan. Jamoalar Toshkent bilan cheklanib qolmoqchi emas, quyidagi jadvalga qaraydigan bo'lsak, Superliganing 12ta, Pro liganing 1ta jamoasi bu yil xorijda yig'in olib boradi. Asosiy manzil odatdagidek Turkiya bo'ladi. Bu borada dastlabki yurishni "Neftchi" va "Navbahor" boshlab berdi. Ular 6 yanvar kuni Antaliyaga yo'l olishdi.

Malumot uchun, "Lokomotiv" o'tgan yili mavsumga Toshkentda tayyorgarlik ko'rgandi. "Temiryo'lchilar" Pro ligadan yagona vakil bo'lmoqda. "Andijon" ketma-ket ikkinchi yil, "Buxoro" esa birinchi marotaba Antaliyada yig'in o'tkazadi.

Jamoa nomi	Xorij yig'ini sanasi va manzili
Paxtakor	13-27 yanvar, 31 yanvar - 14 fevral. Turkiya. Antaliya
Navbahor	6 yanvar - 17 fevral. Turkiya. Antaliya
Nasaf	27 yanvar - 17 fevral. Turkiya. Antaliya
AGMK	15 - 29 yanvar. BAA. Dubay. 3-17 fevral. Turkiya. Antaliya
Qizilqum	3-17 fevral. Turkiya. Antaliya.
So'g'diyona	27 yanvar - 10 fevral. Turkiya. Antaliya.
Olimpik	27 yanvar - 15 fevral. Turkiya. Antaliya.
Neftchi	6 yanvar - 20 yanvar. Turkiya. Antaliya.
Bunyodkor	14-25 yanvar. BAA. Abu-Dabi.
Metallurg	Xorij yig'ini bo'lmaydi
Surxon	Nomalum
Lokomotiv (Pro liga)	20 yanvar - 10 fevral. Turkiya. Antaliya.
Andijon	27 yanvar - 17 fevral. Turkiya. Antaliya.
Turon	27 yanvar - 10 fevral. Turkiya. Antaliya.
Buxoro	20 yanvar - 10 fevral. Turkiya. Antaliya