So’nggi yangiliklar

22:18Суперлига. "Хоразм"нинг 6 ўйинлик ғалабасиз серияси "Машъал" билан баҳсда якунланди  4 21:52Бизда ҳам пляж футболи бўладими?  2 21:38Фарҳод Нишонов: "Бизга вазиятларни якунлашда тажриба ва совуққонлик етишмаяпти"  0 21:20"Барселона", "Реал" ва "Атлетико" иштирокидаги ўйинларнинг таркиблари маълум  6 21:12Сергей Лебедев: "Вазиятлар яратдик, бироқ тўп дарвозага кирмади"  0 21:11Суперлига. Пенальти қайта тепилган, гол ҳисобланмаган ва қизил карточка бекор қилинган ўйинда "Навбаҳор" "Бунёдкор"ни мағлуб этди  77 21:00"Қизилқум" — "Пахтакор" 0:1 ( Матнли трансляция)   27 21:00Про лига. "Олимпик MobiUz" ва "Локомотив"да ғалаба, "Арал" ва "Жайхун" ўзаро дуранг ўйнади  0 20:51Алишер Узоқов, DiliMe, Меҳриддин Раҳматов, "Сариқ бола", Исроил Мадримов, Даврон Файзиев ва бошқалар. "Like Cup" юлдузлар футбол турнирига қуръа ташланди  2 20:44РПЛ. "Акрон" 90+1 дақиқада ўтказиб юборилган гол сабаб "Динамо"га мағлуб бўлди, Эсанов 90 дақиқа ҳаракат қилди  8 20:40ҚПЛ. "Турон" меҳмонда минимал ҳисобда "Қайсар"га мағлуб бўлди, жамоа сафида тўрт нафар ўзбекистонлик ҳаракат қилди  0 20:37Туркия Суперлигаси. Алиқулов ва Турғунбоев жамоалари иштирокидаги ўйинларнинг таркиблари маълум  0 19:30"Арсенал" — "Ньюкасл". Таркиблар маълум  0 18:46Хаби Алонсо "Реал" юлдузига чиқиш эшигини кўрсатди  10 16:27Родриго Лондон клубига ўтиши мумкин  10

Suhrob Berdiev: "Nasaf" ustidan g'alaba sensaciya emas, o'yindan avval hattoki durangga ham ishonishmagandi" Yangiliklar

Suhrob Berdiev: "Nasaf" ustidan g'alaba sensaciya emas, o'yindan avval hattoki durangga ham ishonishmagandi"

Aleksandr Xomyakov boshchiligidagi "Andijon" jamoasi Superliga 1-turida Qarshida "Nasaf" mehmoni bo'ldi (1:0).

Mazkur uchrashuvdan so'ng "burgutlar" futbolchisi Suhrob Berdievning fikrlari bilan qiziqdik. 

- O'yin haqida

- Birinchi o'yin har doim qiyin bo'ladi. Ayniqsa, Qarshida "Nasaf"ga qarshi oson emasligini bilardik. Bu raqib bilan ochiq o'yin qilish xato hisoblanardi. Kerakli natijaga erisha olmasdik. SHu bois ko'proq himoyaviy va qarshi hujumda harakat qildik. Yigitlar murabbiylarning ko'rsatmalarini to'g'ri bajarishdi. Muhimi, natija. Mavsum boshlanishida kuchli raqibdan ustun kelish keyingi uchrashuvlarda qo'shimcha ishonch berishi aniq. Bu o'yin tarixga aylandi. Allaqachon navbatdagi bahs haqida o'ylashni boshlaganmiz. 

- "Andijon" bu bahsda bitta aniq zarba berdi va o'sha zarba golga aylandi. Vaholanki, qishki o'quv-mashg'ulot yig'inlarida vaziyatlardan foydalanish asosiy muammo bo'layotgandi...

- Yuqorida aytdim, raqibni qarshi hujumda poylashimiz kerak edi. So'nggi daqiqalardi bitta vaziyat bo'ldi va undan foydalandik. Turkiyadagi o'rtoqlik uchrashuvlarida ko'p vaziyat qilib, gol ura olmayotgandik. Vaziyatlardan samara chiqarish uchun oldin uni yaratishimiz kerak. Oldindagi bellashuvlarda ko'proq imkoniyat hosil qilishga va to'p kiritishga harakat qilamiz. 

- So'nggi vaqtlarda "Nasaf" maydonidan "Neftchi", "Bunyodkor" va boshqa jamoalar ochko bilan qaytayotganini hisobga olsak, "Andijon"ning g'alabasi tasodif emas deb o'ylaysizmi?

- Yo'q, tasodif emas. Hech kim maydonga yutqazish uchun chiqmaydi. Birinchi turda uzoq yo'l bosib kelgan muxlislar ko'z o'ngida g'alaba uchun maydonga tushgandik. 

- Bu bir marotabalik g'alaba bo'lib qolmaydimi?

- To'g'ri, sensaciya deyishmoqda. Ko'pchilik kutmagandi. Durangga ham ishonishmagandi, deya olaman. XXI asrda "Andijon" hali Qarshida g'alaba qozonmagan ekan. Bu jamoada motivaciyani oshiradi. 

-  Birinchi turda "Paxtakor", "So'g'diyona", "Nasaf" yutqazdi. Bunday natijalar nimaga ishora bo'lishi mumkin? Balki sovrinli o'rinlarda hech kim kutmagan jamoani ko'rarmiz...

- 2-3-turlarda ham jamoalar hali maksimal formaga kirmagan bo'ladi. Albatta, hozir hamma futbol o'ynashni o'rganib olgan. "Andijon" ham yuqori o'rinlarga harakat qiladi. To'xtab qolmaymiz.

- Ko'p narsa kutilayotgan albaniyalik hujumchi Rubin Xebay jamoaga kirishib ketdimi? U qanday taassurot qoldiryapti?

- Rubin jamoaga kech qo'shildi. Turkiyada ham so'nggi kunlarda jamoaga keldi. Mashg'ulotlarda, o'yinlarda ko'rinib turibdi, juda xotirjam. Qolgan legionerlar ham yaxshi. O'zaro yaxshi chiqishib ketganmiz. Bir oilamiz. So'zim yakunida bizni har qanday joyda qo'llab-quvvatlaydigan muxlislarimizga minnatdorchilik bildirib qolaman. Qarshida ham 3-4 nafar emas, 70-80 nafar andijonlik muxlis bor edi. 

Abdulaziz Iskandarov suhbatlashdi

Reyting: +5   

Fikrlar

championat.asia
< so’nggi yangiliklarni ko’rish
Яндекс.Метрика