Spalletti ketma-ket 13 g'alaba haqida: "Endi raqiblar ikki karra kuch bilan tushadi"

"Keling, avvalo ushbu natijalar uchun jamoaga qarsak chalib qo'yamiz. Bunday uchrashuvlarda o'ynash qiyin. So'nggi paytlarda raqiblar bizga qarshi ikki karra kuch bilan maydonga tushishmoqda. SHu sababli futbolchilarni maqtab o'tsak bo'ladi.

"Sassuolo"ga ko'p imkoniyat berib yubordik. 2:0 hisobidan keyin tartibli o'yin ko'rsata olmadik. Bu esa darvozamiz oldida ko'plab xavfli vaziyatlar bo'lishiga sabab bo'ldi. Istalgan vaziyat o'yinni o'zgartirib yuborishi mumkin edi.

Xvicha o'zi qilishi kerak bo'lgan ishni qilmoqda. Bugun ham u raqiblariga qarshi yaxshi o'yin ko'rsatdi. U ideal. Bazida futbolchilar gol urmasa ham foydali ishlari juda katta bo'ladi", - dedi Spalletti.