So'g'diyona:Mashg'ulotlar qizg'in davom etmoqda
25 avg 2017 13:00
Yangiliklar

So'g'diyona:Mashg'ulotlar qizg'in davom etmoqda

Avval xabar berganimizdek,oliy liganing 19-tur doirasida bo'lib o'tishi lozim bo'lgan “So'g'diyona” -“Nasaf” bahsi milliy terma jamoa o'yinlari sababli nomalum muddatga qoldirilgan edi.

Jamoa hozirgi kunda 20-turdagi raqibi “Obod”ga qarshi tayyorgarlikni davom ettirmoqda. Mashg'ulotlar ikki mahal So'g'diyona qarorgohida olib borilmoqda.

Kechagi kechki mashg'ulot jarayonida jamoaning barcha futbolchilari qatnashdi. Mashg'ulot boshida jamoa futbolchilari engil yugurib oldi. Keyin esa Zohid Nurmatov boshchiligida chigilyozdi mashqlarni bajardilar.

G'ayrat Umirov va Umid Qodirov yakka tartibda mashg'ulot o'tkazishmoqda.

Jamoa bosh murabbiyi Igor SHkvirin etiborini bo'lajak o'yindagi qo'llaniladigan taktikani amalda sinab ko'rishga qaratmoqda.

Mashg'ulotlarda jamoa yoshlari ham ishtirok etmoqdalar.

Futbolchilar ikkiga bo'lingan holda o'zaro futbol o'ynadilar. Mashg'ulotlarni Igor SHkvirin,Diyor Fayziev,Zohid Nurmatov va Rasul Hayitovlar olib borishmoqda.