"So'g'diyona"da uzoq yil o'ynagan Mitrovich jamoadan ketdi

"So'nggi etti yarim yil davomida u darvozamiz mustahkamligi uchun barqaror o'yin ko'rsatib keldi. 2021 yilgi Superliga mavsumida jamoamiz kumush medalni qo'lga kiritishida, OFK Kubogidagi muvaffaqiyatli ishtirokimizda va bir qator muhim uchrashuvlarda Milan o'z hissasini qo'shdi. Uning mehnati, fidoyiligi va professionalligi uchun jamoamiz hamda muxlislarimiz nomidan minnatdorlik bildiramiz", – deyiladi klub matbuot xizmati xabarida.

34 yoshli Milan Mitrovich Superligada 147 o'yin (jami 13 189 daqiqa) maydonda harakat qildi. O'zbekiston Kubogida 15 o'yin, OFK Kubogida esa 6 o'yinda qatnashdi, jamoa bilan birga yarim finalgacha etib bordi.