SHota Arveladze: “Ikkita golni ham o'zimiz “sovg'a” qildik”
31 jan 2018 01:28
Yangiliklar
SHota Arveladze: “Ikkita golni ham o'zimiz “sovg'a” qildik”
“Al Garafa” – “Paxtakor” (2:1) uchrashuvidan keyin “sherlar” ustozi SHota ARVELADZE matbuot anjumanida ishtirok etib, uchrashuv haqidagi fikrlarini bildirdi.
- Raqibni g'alaba bilan tabriklayman va ularga musobaqada omad tilayman. Biz oddiy xatolar sababli ikki gol o'tkazib yubordik. Keyinchalik vaziyatni o'zgartirishga urindik, ammo o'yinni qo'shimcha bo'limlarga o'tkazish imkoniyatidan foydalana olmadik.
- Ikkinchi bo'limda jamoa kuchliroq o'ynadi? Buning sababi nimada?
- Jismoniy tarafdan ular yaxshi holatga kirib borishyapti. Qolaversa, natija tufayli biz oldinga o'tishga majbur edik. Har ikki golni o'zimiz olib keldik. Dastlab penalti, keyin esa kutilmagan zarba. Ularni raqibga “sovg'a” qildik. "Garafa" boshqa birorta imkoniyat yaratmadi... Futbolchilar ham oddiy inson. Ular xatolarga yo'l qo'yib turishadi.
Fikrlar