SHohruh Ishanov: "Endi bor etiborimizni Birinchi ligaga qaratamiz"

- O'yin haqida

- Avvalo, "Turon" jamoasini haqli g'alaba bilan tabriklayman. O'yinga keladigan bo'lsak, "SHo'rtan" bilan bahsdan keyin yordamchi murabbiylarimiz bilan birgalikda o'yinimizni ancha muhokama qilgandik. Bugungi o'yin uchun himoyaviy o'yinni tanladik. Mashg'ulotlarda shu asosida ish olib bordik, 

SHogirdlarimga o'yin uchun rahmat aytaman. G'alaba uchun harakat qilgandik, ammo o'yin oxirida bitta zarba orqali mag'lub bo'ldik. Bugun omad "Turon" tomonda bo'ldi. Endi bor etiborimizni Birinchi ligaga qaratamiz. 24 aprel kuni bizni "Nasaf-farm"ga qarshi bahs kutib turibdi.

- Abubakir Rejabboevning holati haqida malumot bera olasizmi?

- U jamoamizning muhim azosi, o'ng qanot himoyachimiz sanaladi. U bugungi kunda O'zbekiston U17, U18 terma jamoasida asosiy tarkib o'yinchisi. Holati hozirda yaxshi, hozirgi paytda shifoxonada bo'lib turibdi. Xudo xohlasa uni 2-turda maydonda ko'ramiz.

- "SHo'rtan" bilan bahs (0:3) bugungi o'yindan tubdan farq qilgandi. Buni qanday izohlaysiz?

 - Jamoalar bizga nisbatan juda kuchli. Biz katta futbolga endigina kirib keldik. Yigitlar sekin-asta o'zlarini ko'rsatishmoqda. "SHo'rtan" bilan uchrashuvda himoyaviy o'yin ko'rsatishni reja qilgandik, ammo oldinga tashlanib, tavakkal o'ynaganimiz pand bergandi. Bugun muxlislarbop o'yin bo'ldi.