SHahboz Erkinov: "Har bir o'yin "Mashal" uchun finalga teng bo'ladi"

"O'yindan oldin bosh murabbiy va klub direktori ishtirokida jiddiy yig'ilish bo'lib o'tdi. Unda juda keskin gaplar bo'ldi. Dastlabki ikki turda ochko ololmaganimiz bizni ham, rahbarlarni ham g'azablantirgani tabiiy hol. O'sha yig'ilishdan so'ng futbolchilar klub uchun "Bunyodkor"ga qarshi bahsda borlarini berib o'ynashdi.

Ikki hafta davomida jarohatimni davoladim va ikki kun oldin mashg'ulotlarga qaytgandim. Qo'ziboev yo'qligi uchun murabbiylar meni tushirishga majbur bo'lishdi.

Keyingi turda sobiq jamoam "Navbahor"ga qarshi o'ynaymiz, bu bahs qiziq o'tadi. Sababi Namangan jamoasi o'z safini kuchli va tajribali o'yinchilar bilan to'ldirib oldi. Umuman olganda biz dastlabki 2 turda mag'lub bo'lganimiz uchun navbatdagi har qanday o'yin biz uchun finalga teng bo'ladi", - deydi SHahboz Erkinov.