Server Jeparov: "Olimpik" loyihasiga qo'yilgan vazifani uddalash uchun bir qadam qoldi"
28 apr 22:02
Yangiliklar

Server Jeparov: "Olimpik" loyihasiga qo'yilgan vazifani uddalash uchun bir qadam qoldi"

O'zbekiston Kubogining guruh bosqichidan o'rin olgan "Olimpik" – "CHig'atoy" (8:1) uchrashuvidan so'ng mezbonlar murabbiyi Server Jeparov o'z fikrlarini bildirib o'tdi.

- O'yin haqida

- Jamoamiz azolarini g'alaba bilan tabriklayman. Navbatdagi bosqich vazifasi 1-o'rin bilan hal etildi. Bu albatta yoqimli. Ushbu natijaga erishishimizda hissasini qo'shgan klubning har bir azosiga minnatdorchilik bildiraman.

O'yindan oldin yigitlarga aytgandim, bugun yaxshi va chiroyli futbol ko'rsatishimiz kerak deb. Vaziyatlardan unumli foydalanish va qo'limizdan kelganicha gollar urish lozimligi haqida aytdim. Bugun raqib darvozasiga 8 ta to'p kiritdik va jamoamiz keyingi bosqichga birinchi o'rin bilan chiqdi.

- Ertaga U-23 terma jamoamiz Osiyo Kubogi yarim final uchrashuvida maydonga chiqadi. Bu o'yin haqida fikrlaringiz...

- Omad, g'alaba va muvaffaqiyatli o'yin tilaymiz. "Olimpik" loyihasi tashkil etilganidan to vazifa bajarilgunicha bir qadam qoldi. Ertaga mana shu vazifani uddalab, bu loyihada mehnat qilgan barchaning yuzi yorug' bo'lishini tilab qolaman. Butun O'zbekiston ahli birgalikda muxlislik qilamiz.

Havola :

Manba : Championat.asia

Yangiliklarni Telegramda o'qing!

Reyting: +12