Server Jeparov: "Babayanning o'yin falsafasini o'zlashtirish uchun bizga vaqt kerak"

"Bugun o'yinni to'liq nazorat qildik. Yomon harakat qilmadik, yaxshi o'ynadik deya olaman. Ko'pdan buyon birga yig'ilmagandik. SHu boisdan uchrashuv debyuti biz o'ylagandek o'tmadi. O'ylashimcha, natija haqqoniy bo'ldi. Muhimi g'alaba qozondik. Yangi murabbiy keldi. Uning o'ziga yarasha qandaydir o'yin falsafasi, g'oyalari mavjud. Biz esa endi birga yig'ildik. Yangi taktikaga moslashish, Babayanning falsafasini tushunish, uzlashtirish uchun bizga biroz vaqt kerak. Bu hali endi boshlanishi. Keyingi o'yinlarda hammasi joyiga tushib ketadi deb o'ylayman. Sardorlik bog'ichi? Men uchun jamoada kim sardor bo'lishi muhim emas. Asosiysi jamoamiz har o'yinda g'alaba qozonsa bo'lgani. Terma jamoada doimo do'stona, yaxshi muhit bo'lsa bas, menga shunisi maqul. Boshqa futbolchini sardor bo'lishi mendagi masuliyatni olib tashlamaydi. Men oldin qanday o'ynagan bo'lsam, hozir ham o'sha ruhda o'ynayveraman. Bu narsa meni munosabatimni o'zgartirmaydi", - deydi Server Jeparov.