Sayriddin Gaffarov xayriya akciyasi Tojikistonda ham katta aks-sado bermoqda!

Quvonarlisi, ehsonparvar, sahovatpesha insonlar ko'pligi bois Sayriddinning holatiga jim qarab turmayaptilar. SHu bilan birga, ushbu xabar Tojikistonda ham o'ziga yarasha reakciya keltirib chiqardi. 

Negaki, Sayriddin Tojikiston chempionatining bir qator klublarida to'p tepgani sababli mahalliy jamoalar va muxlislar Gaffarovga yordam ko'rsatish istagi bilan chiqmoqdalar. 

Ayni paytda "Neftchi" jamoasida darvozabonlar murabbiyi sifatida faoliyat ko'rsatib kelayotgan tojikistonlik Farruh Berdiev ham sobiq o'yinchi haqidagi malumotdan xabar topdi. Natijada "Andijon" klubi matbuot xizmatiga Gaffarov masalasida shunday dedi:

"Men Sayriddin Gaffarovni yaxshi taniyman. Ko'p yillardan beri bilaman. Tojikiston chempionatida "Ravshan" Kulob, "Xosilot-Farxor", "Regar-TadAZ", "Xo'jand" singari klublarda o'ynagan. Aynan 2014 yilda u bilan "Xo'jand" safida birga to'p tepganmiz. U har bir o'ynagan klubida etakchi bo'lgan. 

Gafforovga nisbatan ham inson, ham futbolchi sifatida hurmatim baland. U kuchli o'yinchi bo'lgan, chap oyog'ida kuchli zarbaga ega edi. Kuni kecha Sayriddinni rasmlarini OAV orqali ko'rib juda achindim. Juda yaxshi inson sifatida hurmat qozongan. Bunday kasallikka uchraganini bilmagandik. Sayriddin uchun qo'limizdan kelgan barcha yordamni ayamaymiz. 

Tojikistonda Gaffarovni juda ko'plab muxlislari bor. "Ravshan" safida OFK Kubogida ham to'p tepgan. U erda ham futbolchining ko'plab do'stlari bor. SHuning uchun tojikistonlik muxlislar Sayriddinni yaxshi taniydilar. Gaffarovga "Neftchi" jamoasi ham qo'lidan kelganicha o'z yordamini ayamaydi. Sayriddin bilan tez orada aloqaga chiqib, holidan xabar olamiz.

Rosti, Gaffarovni bunday ahvolda ko'rib juda achindim. O'zimiz ham futbol o'ynaganmiz. Ko'nglim ezilib ketdi va ko'zim jiqqa yoshga to'ldi. Tojikistonda uni qo'llab-quvvatlaydigan muxlislari nihoyatda ko'p. Qaerda o'ynagan bo'lsa, o'sha klub rahbarlari hamda futbolchilari barchasi Sayriddinning bugungi holatiga befarq emaslar. Biz tojikistonliklar ham jim qarab turmaymiz", – dedi Berdiev "Andijon" matbuot xizmatiga.

Hisob raqami: 4073 4200 7787 3325 (VISA)

P.S. Tojikistonlik mehri daryo, sahiy, futbol va inson taqdiriga befarq bo'lmaganlar uchun: Dushanbe siti kartasidan O'zbekiston kartasiga xalqaro pul o'tkazmasi.

Xayriya uchun karta raqamlari - 8600 0609 6678 9944 (Komilova Nargiza, UZCARD)

4073 4200 7787 3325 (Sayriddin Gaffarov, HUMO)