Saudiya Arabistonida U-20 Arab chempionati start oldi

Mazkur musobaqada 16ta jamoa ishtirok etyapti. Jamoalar to'rttadan to'rt guruhga bo'lingan. 17 fevral kuni start olgan musobaqa 5 martga qadar davom etadi. 

"A" guruhi - Mavritaniya, Tunis, Iroq, Quvayt.

"B" guruhi - Marokash, Madagaskar, Djibuti, Bahrayn. 

"C" guruhi - Saudiya Arabistoni, Falastin, Jazoir, Misr. 

"D" guruhi - Sudan, Liviya, BAA, Senegal. 

SHuni aytish lozim, U-20 Arab chempionatiga arab bo'lmagan davlatlardan Madagaskar bilan Senegal ham taklif etilgan. 

"A" va "B" guruhlari 1-turida quyidagi natijalar qayd etildi: 

Iroq - Tunis 1:2

Mavritaniya - Quvayt 2:0 

Marokash - Bahrayn 4:2

Madagaskar - Djibuti 4:3 

O'yinlar Saudiya Arabistonining uchta shahrida o'tkazilmoqda: Ar Riyod, Dammam va Xobar. Saudiya Arabistoni futbol federaciyasi prezidenti Abdul Aziz bin Turki Al Faysal musobaqa oldidan barcha ishtirokchilarga omad tiladi. 

Malumot uchun, U-20 Arab chempionati birinchi marta 2011 yil Marokashda, oradan bir yil o'tib Iordaniyada o'tkazilgan. Ilk musobaqaning g'olibi Marokash va ikkinchi chempion Tunis hisoblanadi. 

2014 yil ushbu musobaqani Qatarda o'tkazish varianti ko'rilgandi, biroq nimadir sabab bo'lib bekor qilingan. Mana endi oradan shuncha vaqt o'tib bu yil yana tashkil qilindi.