Sardor Rahmonov: "Jarohatni dushmanimga ham ravo ko'rmayman"

O'yin haqida

- Bugungi o'yin qiyin ruhda o'tishini bilardik. O'ylashimcha, "Andijon" Superliga darajasidagi klub sanaladi. Jamoaning kelgusi o'yinlarida omad tilayman.

- AGMK futbolchilarida bazi holatlarda maydonda sirpanish hamda paslarda noaniqliklar kuzatildi. Bu maydon holati bilan bog'liqmi?

- Maydon holati unchalik yaxshi emasdi. Lekin biz ham, raqib ham bir maydonda to'p tepadi. Bu bahona bo'la olmaydi.

- Bazilar sizni juda qo'pol o'yish namoyish etishingizni va buning natijasida jamoangizni ham qiyin holat qoldirishingizni aytishadi. O'zingiz bu holatni qanday baholaysiz?

- Men hech qachon raqibga qasddan qo'pollik qilmayman, sababi, men ham, raqibim ham futbolchi, ikkalamiz ham shu sohaning ortidan pul topamiz va oila boqamiz. Uch marotaba qizil kartochka olgan bo'lsam, qay birini atayin qilgan bo'lishim mumkin. Men jamoam manfaati uchun o'z vazifamni bajaraman. Jarohatni dushmanimga ham ravo ko'rmayman. Jamoatchilikning o'ziga yarasha fikri bo'lishi mumkin. Futbol kurashuvchanlikni talab qiladigan sport turi ekanligini bilasiz. To'g'ri, biroz qattiqqo'ligim bordir, lekin hech qachon birovga jarohat etkazishni o'ylamaganman.

- Kelgusi bosqichda qaysi jamoaga qarshi ro'baro' kelishni xohlaysiz?

- Oldimizga chempionlik vazifasi qo'yilgan, shu bois, jamoaga qarshi o'ynashimizning ahamiyati yo'q. Kubokning guruh bosqichidan keyin kuchsiz jamoa qolmadi. SHuning uchun, har bir bahsda g'alaba uchun maydonga tushamiz.