Salah – 2017 yilning eng yaxshi arab futbolchisi! Uchtalikda o'zbek klublariga qarshi o'ynagan o'yinchilar
03 fev 2018 11:11
Yangiliklar

Salah – 2017 yilning eng yaxshi arab futbolchisi! Uchtalikda o'zbek klublariga qarshi o'ynagan o'yinchilar

Misr terma jamoasi hamda "Liverpul" klubi vingeri Muhammad Salah "Goal.com" so'roviga ko'ra 2017 yildagi "Eng yaxshi arab futbolchisi" deb topildi.

Angliya chempionatining joriy mavsumdagi 24 o'yinida misrlik 19ta gol urdi. Bundan tashqari, u Italiya chempionatining o'tgan mavsumida "Roma" tarkibida 16ta to'p kiritgan.

Ortda qolgan yilda vinger Misrni Afrika kubogi finalida ishtirok etishida katta hissa qo'shdi va terma jamoasini JCH-2018 final bosqichiga olib chiqdi. SHuningdek, Salah 2017 yilda Afrikaning eng yaxshi o'yinchisi ham bo'lgan edi.

Qizig'i, so'rovnomada ikkinchi o'rinni Saudiya Arabistonining "Al Ahli" klubi hujumchisi Omar Al Soma egalladi.

Uchinchi o'rin esa Saudiyaning yana bir jamoasi "Al Hilol" forvardi, Al Somaning vatandoshi Umar Xarbin band etdi. Suriya terma jamoasi hujumchilari OCHLda o'zbek klublariga qarshi to'p tepishgan.