Rustam Mirsodiqov: "O'zbekiston uchun faqat g'alabani kutayapman"

Bugungi o'yindan oldin "Metallurg" klubi bosh murabbiyi Rustam Mirsodiqovning fikrlari bilan qiziqdik. Xabaringiz bor, O'zbekiston terma jamoasi 1997 yil Yamanga qarshi ikkita o'yin o'tkazgan va ularning har ikkalasida ham bosh murabbiy sifatida Rustam To'xtamurodovich faoliyat olib borgan.

- 18 yil oldin Yamanga qarshi o'ynagandik, oradan ancha yillar o'tdi. Tarkiblar o'zgarib ketgan. O'sha paytda termamizda No'mon Hasanov, Oybek Usmonxo'jaev, Oleg SHackix, Ravshan Bozorov, Aleksandr Xvostunov kabi va yana bir qator mashhur futbolchilar o'ynashardi. Ishonchim komilki vakillarimiz bu bosqichdan eson-omon o'tadilar. Har doim termamizga muxlislik qilamiz. G'alaba qozonib bizni xursand qilishlarini istaymiz.

- Men stadionga bormayman. Televizor orqali o'yinni tomosha qilish men uchun qulayroq. CHunki uyda o'yinni takroriy lavhalari bilan efirga uzatiladi. Stadionda esa faqat o'yinni ko'ramiz. O'yinni televizor orqali tomosha qilib tahlil qilishim ham mumkin.

- Bu o'yinda O'zbekiston uchun faqat g'alabani kutayapman. Fursatdan foydalanib barcha yurtdoshlarimizni Mustaqillik bayrami bilan chin qalbimdan tabriklayman, - deydi Rustam Mirsodiqov "Futbol Ekspress" gazetasiga bergan intervyusida.

Firdavsxon yozib oldi