Ro'ziqul Berdiev: "Penaltilar asosiy muammomiz bo'lib qolyapti"

O'yin haqida

- Qiyin o'yin bo'lishini bilardik. Bunday o'yinlarga jamoani tayyorlash oson bo'lmaydi. Sababi yaqinda kubokni yutdik, shuning ruhiyati yigitlarda sezilmasdan qolmaydi. Bundan tashqari raqib ham so'ngi o'rindagi jamoa edi. Aytib o'tganimdek, oson o'yin bo'lmadi. Bugun bizning maqsadimiz 3 ochko edi va qiyin o'yinda buni uddaladik. Jamoamiz azolarini va muxlislarini g'alaba bilan tabriklayman.

- Oldinda "Neftchi" qarshi masuliyatli o'yin kutib turibdi...

- Ha, hozirgi kunda hech bir o'yin oson o'tmayapti. Raqiblar bizning maydonda chuqur himoyaviy o'yin tashkil etayapti. Bu bizga etarlicha qiyinchilik tug'diradi. Qiynalmaslik uchun vaziyatlarni golga aylantirish zarur. Penaltilar asosiy muammomiz bo'lib qolayapti. Bizda penaltilarni Norchaev tepardi. Bugun 11 metrlikdan Solovyov tepishi haqida ko'rsatma bergandim. Ammo u ham maydonda yo'q bo'lgani sabab Lima Kruz masuliyatni bo'yniga oldi. Biroq, u ham bundan foydalana olmadi.

- Xusayin Norchaev va Dilshod Saitovlarning jarohatlari jiddiymi?

- Norchaev mashg'ulotlarga qo'shildi. Keyingi o'yinlarga tayyor bo'lishi kerak. Dilshod Saitov finalda bir oz jarohat olgandi. O'zi umuman bugun ko'p futbolchilarni rotaciya qildik. Markoning jarohati bo'yicha shifokorlar bilan gaplashamiz.

- So'nggi turda "Olimpik" bilan o'ynaysizlar. Rotaciyalar ushbu ko'p yuguradigan jamoa bilan o'yinga futbolchilarning jismoniy imkoniyatlarini saqlab qolish uchun amalga oshirilayaptimi?

- "Olimpik"ning barcha futbolchilari ko'p yuguradi. Ular bilan o'yinda ham ijobiy natija uchun maydonga chiqamiz. Navbatdagi turda "Neftchi" ham osonlikcha taslim bo'lmaydi.