Ro'ziqul Berdiev: “Futbolchilarimiz yaxshi kayfiyatda va ertangi bahsga tayyor”

- Guruhimizda hozircha “Al Jayish” jamoasi etakchilik qilmoqda.Ikki o'yinda 6 ochko jamg'arishdi. BAAning bugungi kundagi eng kuchli jamoasi “Al Ayn”dan olti ochko olish bu “Al Jayish”ning kuchidan dalolat berib turibdi. Biz jamoa ishtirkidagi o'yinlarni ko'rib chiqdik. Jamoa tartibli o'yin ko'rsatadi va individual jihatdan kuchli futbolchilarga ega. Qarshi hujumlardan ham samarali foydalanishga intilishadi. Biz ertangi o'yinda o'zimiz uchun ijobiy natijani qo'lga kiritish uchun harakat qilamiz. Tarkibimizda yo'qotishlar yo'q. Barcha futbolchilar yaxshi kayfiyatda va ertangi bahsga tayyor.

-2014 yilgi OCHL pley ofida ham “Al Jayish” bilan “Nasaf” to'qnash kelgan va jamoangiz mag'lub bo'lgandi. O'sha “Nasaf” bilan hozirgisini taqqoslaganda qaysi tomonlama jamoa ilgarishisi bilan farqlanadi?
-Menimcha, o'tgan yillar davomida har ikkala jamoa tarkibidayam katta o'zgarishlar bo'lgan. Jamoamizda ijobiy o'zgarishlar bor. Ertangi ikki yil oldingi bahsdan tubdan farq qiladi. Buni ertangi bahsda ko'rib kuzatamiz.

-Guruhdan keyingi bosqichga chiqishda qaysi jamoalarning imkoniyatini yuqori baholaysiz?
-O'tgan o'yinlar ko'rsatdiki, barchada imkoniyat yuqori. Albatta, ikkita g'alabadan keyin “Al Jayish”ning imkoniyat boshqaralarga qaraganda yaxshiroq. Lekin o'ylashimcha, pley offga chiqish uchun kurash so'nggi turlargacha keskin kechadi.