Ro'ziqul Berdiev: "Biz guruhda qolib ketadigan bo'lsak ham bundan uyalmaymiz"

"Natija biz uchun qoniqarli bo'lmadi. Qaysidir manoda biz o'z o'yinimizni ko'rsata oldik. Ammo kutilgan natijani qo'lga kirita olmadik. Biz asosan pozicion hujumlarga urg'u bergandik. Ammo tezkor gol kiritib, "Al Jayish"ning rejalarini buzib qo'ya olmadik. Hujum chizig'imizdagi muammolar pand berdi. Ushbu bellashuvda etirozim hujumda o'ynagan futbolchilarga. Boshlang'ich tarkibda Bobir Abdixoliqovni kiritmadim deb tanlovda adashdim deb o'ylamayman. O'yin davomida oddiy vaziyatlarda to'pni yo'qotishlar bo'ldi. Bu hayajon bilan bog'liq. Ushbu bahsda xattoki to'p bilan eng yaxshi muomalada bo'ladigan Bahrom Abduraximov ham ko'plab xatolarga yo'l qo'ydi. Balki unga "Obod"ga qarshi o'yinda olgan kichik jarohati to'sqinlik qilgandir. Bahrom Abduraximov jamoamizning etakchi futbolchilaridan biri. Bugun u eng yomon o'yinini o'tkazdi. Hali guruh bosqichida ikkinchi o'rin uchun kurash davom etadi. Agarda jamoamiz guruhda qolib ketadigan bo'lsa ham bundan uyalmaymiz. Biz sharmanda bo'ladigan o'yin ko'rsatmadik. Hujumchi masalasi necha yillardan buyon ko'tarilib kelinadigan mavzu va bu og'riqli nuqtamiz sanaladi. Bizda yuqori malakali hujumchini sotib olish uchun moliyaviy imkoniyatlarimiz yo'q. Bu narsa anchadan beri pand berib kelmoqda. Kelgusida aynan shu masalani rahbariyat oldida ko'taraman. Agarda guruhdq qolib ketadigan bo'lsak, unda nafaqat yuqori darajadagi futbolchilarning yo'qligi, balki hali biz ham o'sha darajaga chiqa olmaganimiz ham sabab bo'ladi. Demak ko'proq ishlashimiz va mehnat qilishmiz lozim. OCHLda ishtirok etib shuni tushundikki, tarkibda yuqori darajadagi top futbolchi zarur ekan. ", - deydi Ro'ziqul Berdiev.