Rossiya premer ligasi, 3-tur. "Rostov" ketma-ket ikki g'alabadan keyin mag'lubiyatga uchradi

Dastlabki ikkita turda g'alaba tamini tatib ko'rgan "Rostov" bu safar kutilmaganda o'z uyida "Krilya Sovetov"ga mag'lub bo'ldi. Uchrashuvdagi yagona golga o'yinning 45-daqiqasida Sobolev mualliflik qildi. SHundan so'ng "Rostov" qancha urinmasin baribir muvozanatni tiklay olmadi. Uchrashuvning 89-daqiqasida zaxiradan maydonga tushirilgan hamyurtimiz Eldor SHomurodov ham qisqa vaqt ichida jamoasiga kerakli golni urishda yordam bera olmadi. SHu tariqa "Rostov" mavsumdagi ilk mag'lubiyatni o'z uyida tan olishga majbur bo'ldi.

Rossiya premer ligasi, 3-tur.

Rostov – Krilya Sovetov 0:1 (0:1, 0:0)

«Rostov-Arena»

Gol: 0:1 – 45 Sobolev.

Rostov – Abaev, Ingason, Sigurdsson, Vilyush, Skopincev (Mirzov, 75), Ionov (Zuev, 67), Kalachev (Eldor SHomurodov, 89), Guliev, Gackan, Parshivlyuk, Sigurdarson.

Krilya Sovetov – Konyuxov, Burlak, Nadson (Aliev, 42), Poluyaxtov, CHicherin, Tkachuk (Tixonov, 90), Bashkirov, Yakovlev, CHochiev (Lanin, 82), Zotov, Sobolev.

Ogohlantirishlar: Gackan (49).