Ronaldu "Old Trafford"ni "Tottenxem"ga qarshi o'yin tugamasidan tark etdi. U hatto kiyinish xonasiga ham kirmagan
20 okt 2022 16:59
Yangiliklar

Ronaldu "Old Trafford"ni "Tottenxem"ga qarshi o'yin tugamasidan tark etdi. U hatto kiyinish xonasiga ham kirmagan

Krishtianu Ronaldu "Manchester Yunayted" – "Tottenxem" (2:0) o'yini tugamasidanoq stadiondan ketdi.

"The Athletic" xabariga ko'ra, "Manchester Yunayted" hujumchisi APL 12-turida "Tottenxem"ga qarshi o'yinning 90-daqiqasida qo'pollik tribunaosti yo'lakka yo'l olibgina qolmay (2:0), final hushtagi chalinguncha "Old Trafford"ni butunlay tark etdi.

Portugaliyalik futbolchi joriy mavsum ikkinchi marta butun o'yinni zaxirada o'tkazdi. Garchi Erik ten Hagda yana ikkita o'zgarish qilish imkoniyati bo'lsa-da, uni maydonga tushirmadi. Kechagi bahsda Skott Maktominey, Entoni Elanga va Kristian Eriksen zaxiradan maydonga tushdi.

Tribunaosti yo'lagiga kirib ketgan Ronaldu hatto "Manchester Yunayted" kiyinish xonasiga ham kirmadi. Krishtianuning xatti-harakati MYU futbolchilariga tasir qilmadi – ularning barchasi "Tottenxem" ustidan qozonilgan g'alabani birgalikda nishonlashdi.

Avgust oyida Ronaldu "Rayo Valekano"ga qarshi o'rtoqlik o'yinida hushtak chalinguncha stadiondan chiqib ketgandi. O'sha o'yinda hujumchi tanaffusda almashtirilgan edi.

Havola :

Manba : The Athletic

Yangiliklarni Telegramda o'qing!

Reyting: +10