KJCH. 7-daqiqadayoq bir kishi kam bo'lib qolgan "Real" "Pachuka"ga 3 ta gol urdi
23 iyu 02:04
Yangiliklar

KJCH. 7-daqiqadayoq bir kishi kam bo'lib qolgan "Real" "Pachuka"ga 3 ta gol urdi

Klublar o'rtasidagi jahon chempionati "H" guruhi 2-turidan o'rin olgan "Real" - "Pachuka" uchrashuvi yakuniga etdi.

O'yin "qaymoqranglilar" foydasiga 3:1 hisobi bilan yakunlandi. Uchrashuv AQSHning Sharlotta shahridagi "Bank of America" stadionida bo'lib o'tdi. Uchrashuvni Ramon Abatti (Braziliya) boshchiligidagi hakamlar brigadasi boshqarib bordi.

"Real" tarkibida Raul Asensio 7-daqiqada qizil kartochka oldi. Uchrashuvning 35-daqiqasida Jud Bellingem ispanlarni oldinga olib chiqdi. 43-daqiqada Arda Gyuler "qirollik klubi"ning ikkinchi golini urdi. 70-daqiqada Federiko Valverde hisobni yirik ko'rinishga olib keldi. Uchrashuvning 80-daqiqasida Elias Montel meksikaliklar uchun hisobni qisqartirdi.

Bu o'yindan keyin "Real" to'rt ochko bilan "H" guruhida peshqadamlik qilmoqda, "Pachuka"da ochko yo'q va jamoa so'nggi o'rinda bormoqda.

1-turda "Real" Saudiya Arabistonining "Al Hilol" klubi bilan durang o'ynadi (1:1), "Pachuka" esa "Red Bull Zalcburg" jamoasiga mag'lub bo'ldi (1:2).

Match-senterda ochish