"Real Madrid" 2:2 Keylor Navas
27 noy 2019 04:24
Yangiliklar

"Real Madrid" 2:2 Keylor Navas

Bir necha soat avval PSJ Madridda iroda ko'rsatib durangga erishganiga guvoh bo'ldik.

Real Madrid

Karim Benzema - 17', Karim Benzema - 79'

Champions League Grp. A . 5-tur

27/11/2019, 01:00

Tugadi

Paris Saint-Germain

Kylian Mbappe - 81', Pablo Sarabia - 83'

Stadion: Estadio Santiago Bernabeu, 75534 tomoshabin

Bosh hakam: Artur Dias

45'

90'

Match-senterda ochish

Mazkur uchrashuv PSJ postini qo'riqlagan Keylor Navas uchun principial ahamiyatga ega ekanligi, u har galgidan yaxshiroq o'yin namoyish qilishini kutgandik. Ammo kosta-rikalik darvozabonning o'zi ham bugungidek yorqin o'yin namoyish qilish haqida o'ylab o'am ko'rmagan bo'lsa kerak. SHunisi aniqki, irodani PSJ emas, Navas namoyish qildi. SHaxsan Florentino Peres uchun edi bu namoyish. Navas "Qirollik klubi" prezidentining qarori xato ekanligini isbotlash uchun urindi va buni isbotladi. Uning seyvlari fonida o'tkazib yuborgan ikkita goli ko'rinmay qoldi.

Navas bugun maydonda borini berdi. Bir darvozabon qilishi mumkin bo'lgan hamma ishni qildi. U o'yinga berilib ketib, o'zi istamagani holda Karim Benzemani jarohatlab qo'yishiga ham ozgina qoldi.

Yaxshiki, hammasi yaxshilik bilan yakunlandi.

U o'yin davomida Valverdega nisbatan aldamchi harakat ham amalga oshirdi.

FAKT: Butun o'yin mobaynida darvozasi "o'qqa tutilgan" Keylor bugun o'z hisobiga 10 ta seyv yozdirib qo'ydi. Uning darvozasiga qanday zarbalar yo'llanganiga o'zingiz guvohsiz. Haqli ravishda Navas uchrashuvning eng yaxshi futbolchisi deb topildi ("whoscored" sportga ixtisoslashgan axborot portali).

FAKT: Bugun Keylorga qarama-qarshi darvozani qo'riqlangan Tibo Kurtua hisobiga 2 seyv yozildi. U shuncha gol ham o'tkazib yubordi.

Belgiyalik darvozabon qizil kartochka ham ishlab oldi, ammo uni VAR tizimi qutqarib qoldi.

Siz qanday fikrdasiz: Tibo Kurtua va Keylor Navas orasida farq qanchalik va kimning foydasiga? "Real" posboni ijrosidagi eng qo'pol xato Mauro Ikardiga nisbatan qo'pollik ishlatgan vaziyatimi? Keylor Navas butun boshli "Real"ga qarshi yolg'iz o'ynadi, deb hisoblaysizmi?