"Real" "Liverpul" yulduzini nishonga oldi

"Liverpul" himoyachisi Trent Aleksander-Arnold "Real"ga o'tishi mumkin.

Sport.es xabariga ko'ra, Madrid klubi angliyalik himoyachiga jiddiy qiziqish bildirmoqda. Qayd etilishicha, "Real" allaqachon 25 yoshli futbolchi bilan muzokaralarni boshlab yuborgan va unga "Liverpul" bilan shartnomasi 2025 yilda tugaguncha kutishini bildirib, erkin agent sifatida Madridga o'tishni taklif qilgan.

SHu bilan birga, "Liverpul" futbolchini saqlab qolish va unga yangi bitim taklif qilish niyatida. "Qizillar"ning yangi bosh murabbiyi Arne Slot himoyachi bilan muzokaralar olib borib, uni shartnomasini uzaytirishga ko'ndirishga urinib ko'rdi.

"Real" Arnoldni Daniel Karvaxal va Lukas Vaskesning o'rnini bosuvchi sifatida ko'rmoqda.