Rasmiy xabar: "Neftchi" 7 nafar futbolchi bilan shartnomani uzaytirdi

"Neftchi" jamoasining 2021 yil futbol mavsumini hamma sohada muvaffaqiyatli yakunlayotgani, Pro liga chempionligi va Superliga yo'llanmasini muddatidan oldin qo'lga kiritganligi, mavsumda raqiblar darvozasiga to'p kiritish bo'yicha eng yuqori natijaga erishganligini muxlislar yaxshi bilishadi.

Bu muvaffaqiyatlarni qo'lga kiritishda darvozabonlar Akbar To'raev va Mashhur Muhammadjonov, himoyachi Umar Athamzoda, yarim himoyachilar Abdulloh Olimov, Oybek Qilichev, Izzatilla Abdullaev va legionerimiz Aleksandr Eshichning hissalari katta. Ilhom Mo'minjonov boshchiligidagi murabbiylar shtabi ana shu yutuqlarni hisobga olib, mazkur futbolchilar bilan tuzilgan shartnomani uzaytirishga qaror qildi. Bu futbolchilar yangi mavsumda Superligada to'p tepadigan sevimli "Neftchi" jamoasining g'olibona yurishlariga yanada ulkan hissa qo'shib, Farg'ona futbolining dovrug'ini oshirishda faollik va ibrat ko'rsatadilar deb, qatiy ishonch bildiramiz. Jamoaga yangi o'yinchilarni jalb etish yuzasidan klub rahbariyati muzokara va suhbatlarni davom ettirmoqda.

Jamoamizga oid barcha yangiliklarni rasmiy saytimiz va ijtimoiy tarmoqlardagi sahifalarimiz orqali kuzatishda davom eting", - deb yozadi "Neftchi" klubi matbuot xizmati.