Rasman: "Manchester Yunayted" Andre Onana bilan shartnoma imzolaganini elon qildi

Futbolchi mankunianliklar bilan 2028 yilning yoziga qadar shartnoma imzoladi. Eslatib o'tamiz, hafta boshida “Manchester Yunayted” Onana transferi uchun “Inter”ga 55 million evro to'lashi haqida xabar berilgan edi.

27 yoshli darvozabon “neradzurri” safida 2022 yilning yozidan buyon to'p tepayotgandi. 2022/2023 yilgi mavsumda Onana "Inter" bilan birgalikda CHempionlar ligasi finaliga chiqdi, unda milanliklar "Manchester Siti"ga yutqazdi (0:1). "Neradzurrilar" safida A Seriya doirasida kamerunlik futbolchi 24 ta o'yin o'tkazib, 24 ta gol o'tkazib yuborgan. SHuningdek, 8 bahsda darvozasi daxlsizligini saqlab qolgan.