So’nggi yangiliklar

19:18Кроос "Реал"га қайтяпти  2 19:05Суперлига. "Динамо" - "Навбаҳор" 0:1 (матнли трансляция)   6 18:45Ўзбекистон терма жамоасининг машғулоти Сречко Катанец назорати остида ўтади  17 18:25Про лига. Бешимовнинг голи "Қўқон-1912"га ғалаба тақдим этди  2 17:26Пранкер ўйиндан олдин МЮ кийиниш хонасига эшитиш мосламаси ўрнатди  3 16:29Коул Палмер: "Месси ёки Роналду?"  11 14:19Тебас: "ЛаЛига ва АПЛ ФИФАни судга бермоқчи"  3 13:46Балотелли: "А Серияни "ёриб" ташлайман"  6 13:13"Барселона" ФИФАдан 6,3 млн. евро олади  2 12:23Антонио Кассано: "Мен ҳеч қачон ичмаганман ва чекмаганман. Фақат битта ёмон одатим бўлган: очкўзлик"  5 12:06"Навбаҳор" собиқ устози: "Тухель Саутгейтдан кўра мосроқ"  4 11:29БАА бош мураббийи: "Ўзбекистонга қарши қийин ўйин кутиб турибди"  17 11:07Биласизми? Ўзбекистон - БАА учрашувини Осиё кубоги финалида 3та пенальти белгилаган ҳакам бошқаради  26 10:41Клоппнинг "Ред Булл"даги ойлиги маълум   1 10:17Лионель Месси Ўзбекистон ёшлари билан кўришди. Муҳаммадали Ўринбоев эса "жек"ни урди   8

Rasman: 2019 yilgi mavsumdan boshlab O'zbekistonda ko'tarma puli bo'lmaydi Yangiliklar

Rasman: 2019 yilgi mavsumdan boshlab O'zbekistonda ko'tarma puli bo'lmaydi

Teglar :  Ko'tarma pullarO'FA
O'zbekiston klublari futbolchilarga ko'tarma pullari bermaydi. Bu holat 2019 yil uchun tuziladigan shartnomalarda o'z ifodasini topadi.

O'FA birinchi vice-prezidenti Umid Ahmadjonov topshirig'iga ko'ra, davlat tomonidan moliyalashtirilayotgan klublarning shtat jadvali hamda infratuzilmasini tartibga keltirish ishlari boshlangandi. Ko'tarma pullari masalasi bunda alohida o'rin tutadigan bo'ldi.


“Hali bir ishni qoyil qilib qo'ymagan futbolchining klubga kelmay turiboq millionlab pul talab qilishini tushunish qiyin. U o'z saviyasiga qarab oylik-maosh yoki mehnatlari evaziga mukofot pullarini talab qilishi mumkin. SHu vaqtgacha uning quruq savlatiga berilgan pul endilikda futbolchini tarbiya qilgan futbol maktablari hamda murabbiylariga yo'naltiriladi. Bu o'z navbatida bolalar futbolida faoliyat olib borayotgan murabbiylarni sifatli futbolchilarni etishtirishga bo'lgan intilishini kuchaytiradi”, — deb aytib o'tdi Umid Ahmadjonov O'FA hamda PFL rahbariyati bilan uchrashuvda.


To'g'ri, ko'tarma puli ko'rinishidagi rag'batlantirish butun dunyoda bor. Biroq futbolchi bunday mavqega chiqishi uchun jiddiy mehnat qiladi. U bir qator klublar nazariga tushganida nafaqat transfer narxi, balki o'zining klub bilan kelishajak shartnomasida ham raqamlar o'sib boradi.

Ayni vaqtda esa O'zbekistonda ko'plab klublar davlat korxonalari tomonidan rag'batlantiriladi. Qolaversa, ko'tarma pullarini berish tartibi bir qator shubhalarga sabab bo'lyaptiki, buning orqasidan futbolchi hamda manfaatdor tomon moliyaviy yutuqqa erishishi mumkin. Biroq futbol ham, klublar ham rivojlanib qolmayapti. Endilikda futbolchilar qilgan mehnati uchun va albatta yutug'i uchun rag'batlantiriladi. To futbol klublari xususiylashib, o'rtada sog'lom raqobat vujudga kelmaguniga qadar, ko'tarma puli tushunchasi unutiladi.

“Ayniqsa, 1 yillik, yarim yillik bo'lgan legioner futbolchilar uchun berilayotgan ko'tarma pullari achinarli. Keladi, millionni cho'ntagiga soladi, o'ynasa o'ynadi, o'ynolmasa indamay qaytib ketaveradi. Klublar uvol bo'layotgan shu pullarni o'z akademiyasini qurish, keyinchalik uni shakllantirish, stadionini, infratuzilmasini rivojlantirish uchun sarflasin. Bizga boqimanda klublarning quruq savlati kerak emas. Davlat ularga suyanch bo'layotganidan foydalanib, o'z kelajaklari haqida qayg'urishsin. O'sha saviyasiz legionerlar bugun bor, ertaga yo'q. Akademiya yoki stadionlar esa o'zimizga qoladi, futbolimiz rivoji uchun xizmat qiladi”, — dedi Umid Ahmadjonov.

Professional futbol ligasi OFK talablaridan kelib chiqib, Superliga klublariga majburiy shtat jadvali ko'rinishini taqdim etgandi. Tez orada akademiyalar bo'yicha shunday shtat jadvali yuboriladi. Stadion ishchilari hamda boshqa texnik xodimlar masalasi esa yana alohida muhokama qilinadi. Yilda ikki marta bo'lib o'tadigan audit tekshiruvi orqali klublarning kirim hamda chiqimlari, pullarning qanday maqsadda ishlatilayotgani nazorat qilib boriladi.

Bunda bir jihatni tushunish kerak, PFL ham, O'FA ham klublarning qanday qanday ko'rinishda faoliyat olib borishi, qanday mutaxassislar bilan qay ko'rinishda ishlashi masalasiga aralashmaydi. Ammo futbol uchun berilgan pullarning bemaqsad sarflab tashlanishiga ham yo'l qo'ymaydi. Bungacha klub bosh direktoridan tortib, ayrim rahbarlarning oddiy ishchi ko'rinishidagi yaqinlarigacha ko'tarma pullari olib kelgan bo'lsa, endilikda bu kabi ishlarga chek qo'yiladi.

Reyting: +32   

Fikrlar

championat.asia
< so’nggi yangiliklarni ko’rish
Яндекс.Метрика