"Qo'qon-1912"ni yana bir futbolchi tark etdi

2016 yilgi futbol mavsumida "Qo'qon-1912" jamoasi safiga kelib qo'shilgan Berdiev o'zining ajoyib fintlari, betakror uzatmalari hamda chiroyli gollari bilan jamoa muxlislarining qalblaridan chuqur joy egalladi.

"O'tgan yillar davomida Qo'qon o'z uyimdagidek bo'lib qolgan edi. Bu jamoa va uning muxlislari bir umr qalbimda qoladi. Faoliyatim davomida meni qo'llab turgan , jarohat olib maydonda ko'rinmay qolgan paytlarimda ham meni unutmagan muxlislarimdan cheksiz minnatdorman. Qo'qonlik muxlislarga katta rahmat aytaman. Jamoaga kelayotgan mavsumda omad tilayman" - deydi Suhrob Berdiev.

Biz ham o'z navbatida Suhrob Berdievning keyingi faoliyatlarida ulkan muvaffaqiyatlar tilab qolamiz. Berdievning Qo'qon futboliga qo'shgan ulkan hissasini unutmaymiz!", - deb yozadi "Qo'qon-1912" matbuot xizmati. 

Eslatib o'tamiz, bungacha "Qo'qon-1912"ni Muhammadanas Hasanov, SHohnazar Norbekov kabi futbolchilar tark etgandi.