Xorvatiya U-17 bosh murabbiyi: "Hech qanday raqibdan qo'rqmaymiz"

"Avvalambor, shogirdlarimni musobaqaning pley-off bosqichiga yo'l olgani bilan tabriklayman. Guruhdagi oxirgi o'yinni to'laqonli nazorat qildik. G'alaba qozonishdan tashqari, imkon qadar ko'proq gol urishga intildik. Senegal natijasini bilganimizdan keyin esa bor kuchimiz bilan yana bir gol urishga harakat qildik, ammo afsuski, bunga erisha olmadik. Senegal BAAga qarshi fantastik o'yin ko'rsatdi, beshta gol urdi va to'plar farqi hisobiga guruhda birinchi o'rinni egalladi.

Biroq bu hech narsani o'zgartirmaydi – guruh bosqichida uchta ajoyib o'yin o'tkazdik. Endi esa ijobiy ruhda oldinga qarab harakatlanamiz. Pley-off bosqichida uzoqqa borish uchun har bir o'yinda g'alaba qozonish kerak. Intizom va ajoyib yigitlar jamuljam ekan, hech qanday raqibdan qo'rqmaymiz", – dedi 45 yoshli mutaxassis.

Eslatib o'tamiz, O'zbekiston va Xorvatiya o'rtasidagi bellashuv 15 noyabr kuni Toshkent vaqti bilan soat 20:45 da boshlanadi.