"Qo'qon-1912": Yoshlarimiz Hokim kubogini g'alaba bilan boshlashdi

“Cementchi-2”ga qarshi uchrashuvni vakillarimiz jangovor tarkibda boshlashdi. SHu bois ilk daqiqalardan raqib darvozasi oldida xavfli vaziyatlar vujudga keldi. Quvasoyliklar ham ahyon-ahyonda hujumga o'tib turishdi.

25-daqiqaga kelib, yoshlarimiz hisobni ochishga muvaffaq bo'lishdi. Dilshod Baratov raqib darvozasini aniq nishonga oldi. Uning boshi bilan bergan birinchi zarbasi darvoza to'siniga tegib qaytgandi. Ikkinchi zarba golga aylandi. 33-daqiqada vakillarimizda hisobni oshirish uchun qulay imkoniyat vujudga kelgandi. Ammo Dilshod Baratov jarima maydonchasi ichida to'pni to'xtatishda xatolikka yo'l qo'ydi. Birinchi taym shu hisobda yakunlandi.

Ikkinchi bo'lim ham yoshlarimizning ustunligi ostida boshlandi. 63-daqiqda Abror Ravhmonovda raqib darvozasini ishg'ol etish uchun yaxshi imkoniyat vujudga keldi. Biroq uning zarbasiga biroz aniqlik etishmadi. Ikkinchi bo'limning yarmi o'tib borayotgan vaziyatda Javohir To'lashev hisobni tenglashtirdi. Bo'lim yakunlanishi arafasida zaxiradan maydonga tushgan Doniyor To'lashev jamoamizga g'alaba keltirgan to'pga mualliflik qildi.

SHu tariqa o'rinbosarlarimiz musobaqani g'alaba bilan boshlashdi.

“Hokim Kubogi-2017”
“D” guruhi
1-tur
“Cementchi-2” – “Qo'qon-1912-2” 1:2 (0:1)
Gollar: To'lashev-70. – Baratov-25, To'lashev-90.

"Cementchi-2": 1. A. Burhonov, 4. A. Mirhomidov, 5. I. Vahobov, 7. N. Azamov, 8. J. To'lashev, 11. I. Anvarov, 13. F. Jalilov,  18. J. Qurbonov,  19. N. Qurbonov, 20. M. Dadaxonov, 22. B. Ismoilov.
Zaxira: A. Sultonov,  2. SHahboz G'aniev, 27. D. Mahmudov, 9. O. Solijonov, 6.  A. Qobilov,10. SH. Usmonov. 15. SH.  Boyqo'ziev

"Qo'qon-1912-2": 20. I. Abdullaev, 6. I. Muxtorov, 8. I. Malikjonov, 10. A. Rahmonov, 14. S. Isaqov, 15. M. Zokirjonov, 17. I. Karimov, 19. SH. Xolmatov, 21. D. Meliqo'ziev, 25. D. Baratov, 27. I. Oxunjonov.
Zaxira: 1. M. Sobirov, 4. M. Rahimov, 5. D. To'lashev, 2. R. Isaqov, 11. A. O'ktamov, 22. I. Ahmadjonov, 26. I. Usmonov.