Qisqa vaqtda Osiyoni o'ziga qaratgan "Bunyodkor" - 20 yoshda
06 iyu 13:05
Yangiliklar
Qisqa vaqtda Osiyoni o'ziga qaratgan "Bunyodkor" - 20 yoshda
Bundan roppa-rosa 20 yil muqaddam, 2005 yilning 6 iyul kuni "Neftgazmontaj-Quruvchi" nomi bilan tashkil topgan "Bunyodkor" bugun 20 yoshni qarshi oldi. Keyinchalik "Quruvchi" nomi bilan nafaqat mamlakatimizda, balki Osiyoda ham o'z o'rniga ega bo'lgan jamoa 2008 yil "Bunyodkor"ga aylangach, dunyo nashrlarida ham tilga olina boshlandi, amalga oshiriyotgan ishlari etirof etildi, "qaldirg'ochlar" yanada balandroq ucha boshladi. Bu orada klubda o'sha mashhur Ziko, Luis Filipe Skolari kabi murabbiylar ishladi. Rivaldo singari jahon tan olgan, Xose Luis Vilyanueva kabi mohir to'purar legionerlar "Bunyodkor" libosini kiyishdi. Ispaniyaning grand jamoasi "Barselona" bilan o'zaro hamkorlik yo'l qo'yildi. Qisqa vaqt ichida milliy terma jamoamizning o'zagi bo'lgan futbolchilar "Bunyodkor" azosi sifatida maydonga tusha boshladi. Amalga oshirilgan islohatlar o'laroq, klub qoshida futbol akademiyasi qurib bitkazilib, foydalanishga topshirildi va u OFK tomonidan 2 ta yulduz maqomiga loyiq ko'rildi. Qisqasi, "qaldirg'ochlar"ning muvaffaqiyati uchun ko'pchilik eng shimarib, hamjihatlik bilan xizmat qildi. Lekin bu muvaffaqiyatlarning asosi aynan kimlarga bog'liq ekanligini barcha biladi, bugungi kunda ham ularni etirof etadi, yaxshi xotiralar bilan tilga oladi.
2007 yilda "Bunyodkor"ning katta futbolga kirib kelishi uzoq vaqt davom etib kelgan "Paxtakor"ning chempionatdagi gegemonligiga barham berdi. Tarkib borasida katta farq ko'zga tashlansada, Toshkent derbilari shiddati, harorati bilan yodda qoldi. OCHLda ikki bor yarim finalga qadar etib bordi, nafaqat Osiyo balki dunyoni o'ziga qaratdi deya olamiz. 2012 yildan buyon to hozirgacha hech qaysi klubimiz qita turnirida yarim finalda ishtirok etgani yo'q.
Klubning asosiy yutuqlari
O'zbekiston chempion: 2008,2009,2010,2011,2013
O'zbekiston chempionat kumush medali: 2007,2012,2016
O'zbekiston chempionati bronza medali: 2019
O'zbekiston Kubogi sohibi: 2008,2010.2012,2013
O'zbekiston Superkubogi egasi: 2014
OCHL yarim finalchisi: 2008, 2012
O’xshash yangiliklar
championat.asia
Суперлига. "Пахтакор" гол инобатга олинмаган ўйинда "Навбаҳор"ни мағлуб этди
Клублар ўртасидаги ЖЧ. ПСЖ тўққиз киши бўлиб "Бавария"ни мағлуб этиб, ярим финалга йўл олди
Суперлига. Пешқадам "Насаф" Самарқандда жанговар дуранг қайд этди
Клублар ўртасидаги ЖЧ. "Флуминенсе" "Ал Ҳилол"ни мағлуб қилиб, ярим финалга йўл олди!
Fikrlar
Бир тийинга қиммат лойиха.
Ухлатилган пулларни сочиб "Биз хам зурмиз" қабилада қилинган проект.
Как раз бизнинг ментилитетга хос,узини курсатиш.
Энди Ривалдони ойлигини хам бера олмай шармандаси чиқиб юрибти.
Бундан роппа-роса 20 йил муқаддам, 2005 йилнинг 6 июль куни "Нефтгазмонтаж-Қурувчи" номи билан ташкил топган "Бунёдкор" бугун 15 ёшни қарши олди!! Узи ёзан нарсани узи инкор килиш накадар хунук холат.