Qirg'iz Respublikasi U-20 ustozi: "Ayni vaqtda qirg'iz futbolida olib borilayotgan ishlar yaqin kelajakda o'z mevasini berishi aniq"

"Biz musobaqaga yaxshi tayyorgarlik ko'rdik deb o'ylayman, lekin murabbiy sifatida har doim o'yinchilarimdan ko'proq narsa kutaman.

Bunday katta musobaqalarda yaxshi atmotsfera va mahalliy aholi tomonidan katta qiziqish bo'ladi, jamoalar esa bunga javoban yaxshi va sifatli o'yin kursatib berishi kerak", – deya gap boshladi Lisicin. 

- So'nggi yillarda qirg'iz futboli rivojlanyapti. Mutaxassis sifatida fikringiz qanday?

- Men Qirg'iz Respublikasiga kelganimdan beri futbol ancha rivojlandi, ayniqsa, yoshlar futboli ancha o'sdi. Ayni vaqtda qirg'iz futbolida olib borilayotgan ishlar yaqin kelajakda o'z mevasini berishi aniq.

- Qirg'izistonlik o'yinichilarda Saudiya Arabistoni kabi kuchli raqiblarga qarshi uchrashuvda bosim bo'ladimi?

- Har bir jamoaga hurmat bilan yondashamiz, ayniqsa, guruhdoshlarimiz kuchli va jahon futbolida ham o'z nomiga ega. Biz raqiblarimz nimalarga qodir ekanligini bilamiz, ularning tarkibi kuchli, lekin biz xam turnirga yaxshi tayyorgarlik ko'rdik. Ertangi o'yin kim kuchli ekanligini aniqlab beradi.

- Ushbu musoqabadagi raqiblar darajasini hisobga olgan holda, jamoangiz muvaffaqiyatli ishtirokining ehtimoli qanday?

- Bizga bahoni rahbariyat beradi, biz esa qo'limizdan kelgancha yaxshi ishtirok etishimiz kerak. Men har doim jamoam oldiga eng katta maqsadlarni qo'yaman va biz ushbu maqsadga erishish uchun harakat qilamiz. 

Qirg'iz Respublikasi O'zbekistonga qo'shni davlat sanaladi. Ertangi uchrashuvda iqlim, qo'shnichilik ustunlik beradimi?

- Men bu narsaga ishongim kelyapti, lekin fikrimcha, bunday katta turnirlarda kichik narsalar ahamiyatsiz. Kuchlilar g'alaba qozonadi, bunga iqlim va qolgan jihatlarning aloqasi bo'lmaydi.