PSJ SHkrinyar bilan kelishuvni buzishi mumkin

"Inter" markaziy himoyachisi avvalroq Parij klubi bilan barchasini kelishib olgan va ushbu kelishuv haqida maxsus hujjat ham imzolangandi. Biroq Franciya klubi vakillarida himoyachining jismoniy holati bilan bog'liq xavfsirash yuzaga kelgan. Bunga futbolchining "neradzurri" safidagi oxirgi 10 o'yinda 1 marta maydonga tushib, "Portu"ga qarshi maydonda bor yo'g'i 10 daqiqa harakat qilgani sabab bo'lmoqda. 

 SHkrinyar umurtqa pog'onasidagi og'riqlardan aziyat chekmoqda va aynan shu sababli parijliklar qo'rqib qolishgan. PSJ futbolchini chuqurlashtirilgan tibbiy tekshiruvlarga yuboradi. Agarda natijalar qoniqarli bo'lmasa, transfer amalga oshmaslik xavfi yuqori.