Prevyu. "SHo'rtan" - "Nasaf"

SHo'rtan (G'uzor) – Nasaf (Qarshi)
26 aprel 2015. G'uzor. "SHo'rtan" stadioni. 17:00
Hakamlar: B.Namozov, A.Capenko, O.Abduvasilov, N.Qosimov.
Nazoratchi: A.Abdullaev.

“SHo'rtan” va “Nasaf” oliy ligada 18 marta to'qnash kelishgan. Ushbu o'yinlardan 12tasida qarshiliklar g'olib bo'lishgan. Bitta o'yin durang hisobida yakunlangan, “SHo'rtan” hisobida 5ta g'alaba mavjud.

“Nasaf” shu kungacha o'zaro o'yinlarda “SHo'rtan” darvozasiga 40ta to'p kiritgan, g'uzorliklar esa “Nasaf” darvozasiga 20ta gol urishgan. “Ajdarlar” o'zaro o'yinlarda 37 ochko ishlab olishgan bo'lishsa, “SHo'tan” 16 ochkoni qo'lga kiritgan. “Nasaf”ning oliy ligada bu raqib ustidan erishgan eng yirik g'alabasi 5:0 ni tashkil qiladi. “SHo'rtan”ning yirik g'alabasi esa 3:2 bo'lib turibdi.

2013 yilgi mavsumda birinchi davraning 5-turida Qarshida bo'lib o'tgan bahsda “ajdarlar” yirik g'alabaga erishishgan. “Nasaf” safida Ilhom SHomurodov dublga erishgan bo'lsa, Artur Gevorkyan bitta gol urgandi – 3:0. Ikkinchi davrada ham “ajdarlar” yirik g'alabaga erishishgan. Azamat Allaniyozov va Artur Gevorkyan ikkitadan gol urishgan. Aziz G'ulomxo'jaev “SHo'rtan” safida yagona javob to'pini kiritgan – 1:4.

G'uzorda bo'lib o'tgan so'nggi besh uchrashuv:
18.10.2013 SHo'rtan - Nasaf 1:4
11.05.2012 SHo'rtan - Nasaf 2:3
06.08.2011 SHo'rtan - Nasaf 2:1
31.10.2010 SHo'rtan - Nasaf 1:0
09.11.2009 SHo'rtan - Nasaf 1:0

O'zaro o'yinlar haqida fakt: “SHo'rtan” G'uzorda bo'lib o'tgan o'yinlarda 5 marta muvaffaqiyatga erishgan. “Nasaf” esa safarda 4 bor 3 ochkoga ega bo'lgan. G'uzorda bu jamoalar o'rtasida umuman durang kuzatilmagan.