Prevyu. "SHo'rtan" - "Bunyodkor"

SHo'rtan (G'uzor) – Bunyodkor (Toshkent)
10 aprel 2016. G'uzor. "G'uzor" stadioni. 17:00
Hakamlar: O. To'ychiboev (Farg'ona), A. Sidorov (Toshkent), D. Saylalov (Toshkent), A. SHukurullaev (Toshkent)
Nazoratchi: A. Abdullaev (Toshkent).
 
“SHo'rtan” va “Bunyodkor” oliy ligada jami 16 bora to'qnash kelishgan. Natijalar “Bunyodkor”ning ustunligini ko'rsatmoqda. Toshkentliklar 11ta o'yinda g'olib bo'lishgan. 4ta o'yinda durang qayd etilgan. Bitta uchrashuvda esa “SHo'rtan” zafar quchgan. To'plar nisbatida ham “Bunyodkor” oldinda – 32:2. O'zaro o'yinlarda “Bunyodkor” 37 ochkoni, “SHo'rtan” esa 7 ochkoni  qo'lga kiritgan.

“Bunyodkor”ning o'zaro o'yinlarda qozongan eng yirik g'alabasi – 7:0 ga teng. “SHo'rtan”da bu ko'rsatkich 1:0 bo'lib turibdi.

O'tgan mavsum Toshkentda o'tgan o'yinda “qaldirg'ochlar” Eldor SHomurodov, Dostonbek Hamdamov va SHaker Zuagi tomonidan kiritilgan to'plar evaziga yirik g'alabaga erishishgan – 3:0. G'uzordagi bahsda esa tomonlar raqib darvozasiga yo'l topa olishmagandi – 0:0.

G'uzorda bo'lib o'tgan oxirgi besh uchrashuv:
16.08.2015 SHo'rtan - Bunyodkor 0:0
14.09.2013 SHo'rtan - Bunyodkor 0:0
06.11.2012 SHo'rtan - Bunyodkor 0:1
01.10.2011 SHo'rtan - Bunyodkor 1:0
21.10.2010 SHo'rtan - Bunyodkor 0:0

O'zaro o'yinlar haqida fakt: Bu jamoalar G'uzorda 8ta o'yin o'tkazishgan. SHu o'yinlardan bittasida “SHo'rtan” g'olib chiqqan. Uch uchrashuvda durang qayd etilgan. Toshkent klubi safarda bu jamoani to'rt bor mag'lub eta olgan. G'uzordagi oxirgi 3ta o'yinda “SHo'rtan” gol ura olmagan.