Prevyu. "Qizilqum" - "Mashal"

QIZILQUM - MASH'AL
12 aprel. Navoiy. “So'g'diyona” stadioni 17:00.
Hakamlar: O.Tolibjonov, T.Galeev, S.SHoyusupov, I.Ibragimov
Nazoratchi: S.Ermatov.

Bu ikki klub oliy ligada 22 bora to'qnash kelishgan. Natijalar mutlaqo teng. Ushbu o'yinlardan 6 tasida “Mashal” g'olib bo'lgan. 10 o'yin durang hisobida yakunlangan. Yana 6 uchrashuvda “Qizilqum” g'olib bo'lgan.

“Mashal” shu kungacha o'zaro o'yinlarda “Qizilqum” darvozasiga 30ta gol kiritgan “Qizilqum” esa 28 bora “Mashal” posbonini ranjitgan. “Mashal” ham, “Qizilqum” ham 28tadan ochkoni qo'lga kiritishgan. “Mashal”ning oliy ligada “Qizilqum” ustidan erishgan eng yirik g'alabasi 6:1 ni tashkil qiladi. Zarafshonlikning eng yirik g'alabasi esa – 6:3 bo'lib turibdi.

2013 yil “Mashal” oliy ligada qatnashmadi. 2012 yilda bo'lib o'tgan birinchi bahs Muborakda bo'lib o'tgan. O'sha bahsda SHerali Jo'raev va Feruz Boboqulov gol urgan – 0:2. “Qizilqum” maydonidagi bahsda durang qayd etilgan. G'ulom O'runov mezbonlar tarkibida, Gabit Sapargaliev muborakliklar tarkibida to'p kiritgan – 1:1.  

“Qizilqum” maydonida o'tgan so'nggi besh uchrashuv:
17.08.2012  Qizilqum – Mashal  1:1
01.10.2011  Qizilqum – Mashal  0:1
14.08.2010  Qizilqum – Mashal  1:1
23.03.2009  Qizilqum – Mashal  1:1
01.03.2008  Qizilqum – Mashal  0:0

O'zaro o'yinlar haqida fakt : Bu jamoalarning Zarafshonda bo'lib o'tgan 11 ta uchrashuvida 8tasi durang bilan tugagan. SHundan 6tasida 1:1 hisobi qayd etilgan. Zarafshondagi o'yinlarda umuman 2 tadan ortiq to'p kiritilmagan.