Prevyu. "Obod" - "Qizilqum"

Obod (Toshkent) – Qizilqum (Navoiy)
9 aprel 2016. Toshkent. "Jar" stadioni. 16:00
Hakamlar: R. Ermatov (Toshkent), A. Rasulov (Toshkent), J. Saidov (Toshkent), R. Lutfulin (Toshkent)
Nazoratchi: R. Serazetdinov (Toshkent).

“Obod” klubi bu yil birinchi marta oliy ligada ishtirok etayotgani uchun ushbu ikki jamoa oliy ligada ilk bor to'qnash kelishadi. Bu mavsumda dastlabki 3ta turda “Obod” 1 ochko to'pladi. Jamoa Qo'qonda “Qo'qon-1912”ga va Qarshida “Nasaf”ga bir xil 0:1 hisoblarida yutqazib qo'ydi. O'z maydonida esa “Buxoro” bilan 0:0 hisobida durang o'ynadi. Bugunga kelib Bobur Zuhriddinov boshchiligidagi yosh jamoa oliy ligada gol ura olmagan yagona klub bo'lib turibdi. Dastlabki gol muallifi “Obod”ning O'zbekiston oliy ligasida to'p kiritgan ilk futbolchiga aylanadi va tarixga kiradi.

“Qizilqum” esa mavsumni ajoyib boshladi. Navoiy klubi ilk turda “Mashal” ustidan irodali g'alabaga erishgandi – 3:2. Ikkinchi turda G'uzorda “SHo'rtan” mag'lub etilgandi – 1:0. Nihoyat uchinchi turda o'z maydonida “Olmaliq”ni taslim qilindi – 2:1. “Oltin izlovchilar” dastlabki 3ta turda yuz foizli ko'rsatkichga ega to'rt jamoadan biri bo'lib turishibdi.