Prevyu. "Nasaf" - "Neftchi"

Nasaf (Qarshi) – Neftchi (Farg'ona)
12 oktyabr 2015. Qarshi. "Markaziy" stadioni. 18:00
Hakamlar: I. Tantashev (Buxoro), R. Serazetdinov (Toshkent), X. SHodmonov (Buxoro), I. Ibragimov (Nukus)
Nazoratchi: I. Xotamov (Toshkent).

“Nasaf” hamda “Neftchi” klublari oliy ligada shu kungacha 37 bor kuch sinashishgan. “Neftchi” 15ta o'yinda g'alaba qozongan. 14ta uchrashuvda “Nasaf”ning qo'li baland kelgan. 8ta o'yinda durang qayd etilgan. To'plar nisbatida ustunlik "Nasaf" tomonida: 47:46. “Neftchi” 53 ochkoga ega bo'lgan, “Nasaf” esa 50 ochkoni qo'lga kiritgan. “Neftchi”ning “Nasaf” ustidan qozongan eng yirik g'alabasi 4:0ga teng bo'lsa, “Nasaf”ning farg'onaliklar ustidan erishgan eng yirik g'alabasi – 4:1.

Birinchi davrada Farg'onada o'tgan bahsda "Nasaf" g'olib bo'lgan. Artur Gevorkyan tomonidan urilgan gol "ajdarlar"ga safarda g'alaba keltirgan - 0:1

Qarshida o'tgan so'nggi besh uchrashuv:
11.04.2014 Nasaf - Neftchi 2:1
05.10.2013 Nasaf - Neftchi 2:0
05.06.2012 Nasaf - Neftchi 1:2
07.04.2011 Nasaf - Neftchi 3:0
02.04.2010 Nasaf - Neftchi 2:0

O'zaro o'yinlar haqida fakt: “Nasaf” o'z uyida bo'lib o'tgan 18ta o'yinning 11tasida g'alabaga erishgan. Bitta o'yin durang bilan tugagan. “Neftchi” olti marta Qarshidan uch ochko bilan qaytgan. Qarshida o'tgan oxirgi ikki o'yinda “Nasaf” ikki bor g'olib bo'lgan.