Prevyu. "Nasaf" - "Mashal"

NASAF – MASH'AL
14 iyun. 19:30. Qarshi. "Markaziy" stadioni.
Hakamlar: H.Ro'ziev, A.Usmonov, T.Gaynulin, S.Sattorov
Nazoratchi: I.SHaripov.

“Nasaf” va “Mashal” oliy ligada jami 22 bora to'qnash kelishgan. SHulardan 11 tasida qarshiliklar g'olib bo'lishgan, 5 ta  o'yinda durang qayd etilgan. “Mashal” hozirga qadar o'zaro o'yinlarda “ajdarlar”ni 6 marta mag'lub eta olgan. To'plar nisbati “Nasaf” foydasiga 35:22 ni tashkil qilmoqda. O'zaro o'inlarda “Nasaf” 38 ochkoni, “Mashal” esa 23 ochkoni qo'lga kiritgan.

“Nasaf”ning o'zaro o'yinlarda qozongan eng yirik g'alabasi – 3:0 ga teng bo'lsa, muborakliklarda bu ko'rsatkich 4:1 bo'lib turibdi.

O'tgan yil “Mashal” birinchi ligada o'ynagan. 2012 yildagi ilk bahs Muborakda kechgan va tomonlar gol ura olishmagan – 0:0. Qarshida esa “ajdarlar” yirik g'alabaga erishishgan. Kenja To'raev, Aleksandr Petrovich va Vladimir SHishelov mehmonlar darvozasiga gol urishgan – 3:0.

Qarshida o'tgan so'nggi besh uchrashuv:
27.09.2012  Nasaf – Mashal  3:0
15.05.2011  Nasaf – Mashal  2:0
21.05.2010  Nasaf – Mashal  3:1
19.08.2009  Nasaf – Mashal  2:0
08.11.2008  Nasaf – Mashal  2:3

O'zaro o'yinlar haqida fakt : Bu jamoalarning Qarshida o'tgan o'yinlarida ikki marta “Mashal” g'alaba qozongan. Qolgan 9ta o'yinda “ajdarlar” o'z maydonida uch ochkoga ega bo'lishgan. Anglaganingizdek Qarshida bu jamoalar umuman durang qayd etishmagan. Oxirgi 4 yilda “Nasaf” o'z uyida “Mashal” ustidan faqat g'alaba qozongan.