Prevyu. "Metallurg" - "Bunyodkor"

Metallurg (Bekobod) – Bunyodkor (Toshkent)
26 aprel 2015. Bekobod. "Metallurg" stadioni. 17:00
Hakamlar: A.Asimov, T.Galeev, A.Po'latov, R.Kopadze.
Nazoratchi: I.Nexochin.

“Metallurg“ hamda “Bunyodkor“shu kunga qadar o'zaro 16 marotaba kuch sinashishgan. Natijalar “Bunyodkor”ning ustunligini ko'rsatmoqda. Toshkentliklar 14ta o'yinda g'alaba qozonishgan. Ikkita o'yinda “Metallurg”ning qo'li baland kelgan. To'plar nisbati ham “Bunyodkor” foydasiga 39-15. O'zaro o'yinlarda “Bunyodkor” 42 ochoni qo'lga kiritgan bo'lsa, “Metallurg” 6 ochkolik bo'lgan.

“Bunyodkor”ning “Metallurg” ustidan qozongan eng yirik g'alabasi – 4:0. “Metallurg”ning “qaldirg'ochlar” ustidan qozongan eng yirik g'alabasi esa – 2:1 ni tashkil etadi.

O'tgan yilning 9-turida “Bunyodkor” o'z maydonida “Metallurg” darvozasiga javobsiz ikki to'p kiritgandi. “Qaldirg'ochlar” tarkibida Oleksandr Pishur va Sardor Rashidov o'zini ko'rsatgandi – 2:0. Bekobodda Samir Bekrich va Oleg Zoteev mezbonlar darvozasiga gol urishgan, Sardor Rasulov yagona javob to'pini kiritgandi – 1:2.

Bekobodda o'tgan so'nggi besh uchrashuv:
01.10.2014 Metallurg - Bunyodkor 1:2
17.08.2013 Metallurg - Bunyodkor 2:3
27.09.2012 Metallurg - Bunyodkor 1:3
23.10.2011 Metallurg - Bunyodkor 2:1
19.03.2010 Metallurg - Bunyodkor 0:1

O'zaro o'yinlar haqida fakt : “Metallurg” o'z maydonida faqat bir bor (2011 yil) “Bunyodkor”dan ustun kelgan. Qolgan 7ta o'yining barchasiga “Bunyodkor” Bekoboddan uch ochko bilan qaytgan. Oxirgi uch o'yinda “qaldirg'ochlar” safarda ushbu jamoa darvozasiga kamida 2tadan gol urishgan.