Prevyu. "Mashal" - "Qo'qon-1912"

Mashal (Muborak) – Qo'qon-1912 (Qo'qon)
25 aprel 2015. Muborak. Bahrom Vafoev nomidagi stadion. 17:00
Hakamlar: V.Ceytlin, M.Saidqosimov, T.Gaynulin, E.Tursunov
Nazoratchi: B.Galeev.
 
“Mashal” va “Qo'qon-1912” oliy ligada 6 bora to'qnash kelishgan. Natijalar voha klubining ustunligini ko'rsatmoqda.

“Mashal” ushbu raqibni 4 marta mag'lub etgan. Bitta o'yinda durang qayd etilgan. “Qo'qon-1912” hisobida bitta g'alaba mavjud. “Gazchilar” o'zaro o'yinlarda 10ta gol urishgan, qo'qonliklar  5 marta muborakliklar darvozasini ishg'ol etishgan. Muborak klubi o'zaro o'yinlarda 13 ochkoga ega bo'lgan, Qo'qon klubi hisobida 4 ochko bor. “Mashal”ning o'zaro o'yinlarda eng yirik g'alabasi 2:0ga teng bo'lsa, “Qo'qon-1912”ning eng yirik muvaffaqiyati 3:1 bo'lib turibdi.

Bu jamoalar so'nggi bor 2003 yilgi mavsumda to'qnash kelishgan. O'sha yil Qo'qonda bo'lib o'tgan uchrashuvda “Mashal” g'olib bo'lgan. Qudrat Madaminov va Davron Umurov maydon egalari darvozasiga gol urishgan. Muborakda ham “gazchilar” zafar quchishgan. Rustam Qodirov (2ta) va Konstantin Boev qo'qonliklar darvozasiga to'p kiritishgan, bo'lsa Andrey Strelcov hamda Ahdam Jonaliev Muborak klubini ranjitishgandi – 3:2.

Muborakda o'tgan barcha uchrashuvlar:
20.09.2003 Mashal - Qo'qon-1912 3:2
02.11.2002 Mashal - Qo'qon-1912 2:0
15.04.1995 Mashal - Qo'qon-1912 2:0

O'zaro o'yinlar haqida fakt: “Mashal” maydonida bo'lib o'tgan 3ta o'yinning barchasida mezbonlarning qo'li baland kelgan. Muborak klubi har bir o'yinda kamida ikkitadan to'p kiritgan.