Prevyu. "Buxoro" - "Olmaliq"

Buxoro (Buxoro) – Olmaliq (Olmaliq)
25 aprel 2015. Buxoro. “Buxoro” stadioni. 18:00
Hakamlar: X.Ro'ziev, R.Fozilov, M.Madjidov, I.Ibragimov.
Nazoratchi: D.Roman.

“Buxoro” va “Olmaliq” oliy ligada 12 marta o'zaro o'ynashgan. Natijalar “Olmaliq”ning ustunligini ko'rsatmoqda. “Olmaliq” 7ta o'yinda g'olib bo'lgan, “Buxoro” 4 marta bu raqibni mag'lub etgan. 1ta o'yinda durang qayd etilgan. To'plar nisbatida ustunlik “Olmaliq” tomonida - 24:13. O'zaro o'yinlarda “Buxoro” 13 ochkoga ega bo'lgan bo'lsa, “Olmaliq” 22 ochkoni qo'lga kiritgan.

“Buxoro”ning o'zaro o'yinlarda qozongan eng yirik g'alabasi – 3:1ga teng. “Olmaliq”ning eng yirik g'alabasi esa 6:1.

2014 yil Olmaliqda kechgan o'yinda mezbonlar zafar quchishgan. Serbiyalik legioner Aleksandr Alempievichning birinchi va ikkinchi bo'lim boshida urgan gollariga buxoroliklar safida Jamoliddin Ubaydullaev javob bergan – 2:1. Buxoroda esa mezbonlar shu hisobda zafar quchishgan. Jamoliddin Ubaydullaev va Ulug'bek Baqoevning gollariga mehmonlar safida Sanjar SHoahmedov javob qaytargandi – 2:1.

Buxoroda bo'lib o'tgan barcha uchrashuvlar:
25.10.2014 Buxoro - Olmaliq 2:1
20.04.2013 Buxoro - Olmaliq 1:0
15.06.2012 Buxoro - Olmaliq 0:1
09.04.2011 Buxoro - Olmaliq 1:0
10.06.2009 Buxoro - Olmaliq 1:3
04.10.2008 Buxoro - Olmaliq 1:2

O'zaro o'yinlar haqida fakt: “Buxoro” o'z maydonida bo'lib o'tgan 6ta o'yinning 3tasida g'alaba qozongan. Qolgan uchta bahsda“Olmaliq” safarda bo'lishiga qaramay raqibni taslim qilishga muvaffaq bo'lgan.