Prevyu. "Buxoro" - "Dinamo"

BUXORO – DINAMO
14 iyun. 19:00. Buxoro. "Buxoro" stadioni.
Hakamlar: R.Bobomurodov, R.Samandarov, O.Jumaev, O.To'ychiboev
Nazoratchi: A.Xotamov.

“Buxoro” hamda “Dinamo” klublari oliy ligada shu kungacha 38 bor kuch sinashishgan. “Buxoro” 20ta o'yinda g'alaba qozongan. 14ta uchrashuvda “Dinamo”ning qo'li baland kelgan. 4ta o'yinda durang qayd etilgan. To'plar nisbatida ustunlik “Buxoro” tomonida: 55:49. “Buxoro” o'zaro o'yinlarda 64 ochkoga ega bo'lgan, “Dinamo” esa 46 ochkoni qo'lga kiritgan. “Dinamo”ning “Buxoro” ustidan qozongan eng yirik g'alabasi 4:1ga teng bo'lsa, “Buxoro”ning samarqandliklar ustidan erishgan eng yirik g'alabasi – 6:0.

O'tgan yil har ikkala bahsda ham “Dinamo” g'alaba qozongan. Samarqandda Aleksandr Kleckovning penaltidan urgan goli mezbonlarga uch ochko keltirgan – 1:0. Buxoroda esa Ildar Mamatkazin va Farrux SHotursunov o'zini ko'rsatgandi – 0:2.

Buxoroda bo'lib o'tgan so'nggi besh uchrashuv:
21.09.2013 Buxoro - Dinamo 0:2
17.08.2012 Buxoro - Dinamo 2:0
01.11.2011 Buxoro - Dinamo 2:1
18.04.2009 Buxoro - Dinamo 2:0
08.08.2008 Buxoro - Dinamo 1:0

O'zaro o'yinlar haqida fakt: Buxoroda bo'lib o'tgan 19ta o'yinning 14tasida “Buxoro” g'alaba qozongan. 1ta bahsda tomonlar durang o'ynashgan. 4ta o'yinda “Dinamo” safarda bo'lishiga qaramay uch ochkoga ega bo'lgan.