Prevyu. "Bunyodkor" - "Navbahor"

BUNYODKOR – NAVBAHOR
2 may. Toshkent. "Jar" stadioni. 18:00
Hakamlar: M.Muhamedov, X.Mirzaahmedov, A.Snetkov, S.Sattorov
Nazoratchi: S.Ermatov.

“Bunyodkor” va “Navbahor” oliy ligada jami 14 marta to'qnash kelishgan. SHulardan 11tasida toshkentliklar g'olib bo'lishgan, 2ta  o'yinda vodiyliklar g'alabani tantana qilishgan. O'zaro o'yinlarda 1 bora durang natijasi qayd etilgan. To'plar nisbati “Bunyodkor” foydasiga 33:7 ni tashkil qilmoqda. O'zaro o'inlarda “Bunyodkor” 34 ochkoni, “Navbahor” esa 7 ochkoni qo'lga kiritgan.

“Bunyodkor”ning va “Navbahor” ustidan qozongan eng yirik g'alabasi – 6:0, “Navbahor”ning eng yirik g'alabasi esa – 2:1.

O'tgan yilgi har ikkala o'yinda “qaldirg'ochlar” yirik g'alabalarga erishishgan. Vodiydagi uchrashuvda mezbonlar himoyachisi Qahramon Mahamadjonov o'z darvozasini ishg'ol qilib qo'yib hisobni ochgandi. Bundan tashqari Oleksandr Pishur va Lutfulla To'raev “lochinlar” darvozasini ishg'ol qilishgan – 0:3. Toshkentda kechgan bahs bundanda yirik natija bilan tugagan. Sardor Rashidov, Anvar Berdiev va Anvar G'ofurov bir martadan gol urishgan bo'lsa Igor Taran ikki bor “Navbahor” darvozasini ishg'ol qilgan – 5:0.

Toshkentda o'tgan so'nggi besh uchrashuv:
20.09.2013 Bunyodkor – Navbahor  5:0
19.10.2012 Bunyodkor – Navbahor  1:0
12.03.2011 Bunyodkor – Navbahor  1:0
26.08.2010 Bunyodkor – Navbahor  2:0
21.06.2009 Bunyodkor – Navbahor  6:0

O'zaro o'yinlar haqida fakt: “Navbahor” Toshkentda “Bunyodkor”ga etarlicha qarshilik qila olmagan. Bo'lib o'tgan 7ta o'yinning barchasida “qaldirg'ochlar” zafar quchishgan. Bundan tashqari “Navbahor” Toshkentda 6 yildan buyon gol ura olmay kelmoqda.