Prevyu. "Andijon" - "Dinamo"

ANDIJON – DINAMO
12 aprel. Andijon. “Sog'lom Avlod” stadioni 16:00.
Hakamlar: V.Ceytlin, R.Serazetdinov, R.SHoyahmetov, R.Tolibjonov.
Nazoratchi: A.Abdullaev.

“Andijon” va “Dinamo” oliy ligada 36 bora to'qnash kelishgan. Ushbu o'yinlardan 14tasida andijonliklar g'olib bo'lishgan. Etti o'yin durang hisobida yakunlangan. “Dinamo” shu kunga qadar oliy ligada “Andijon”ni 15 marta mag'lubiyatga uchrata olgan.

“Dinamo” shu kungacha o'zaro o'yinlarda “Andijon” darvozasiga 54ta gol kiritgan. “Andijon”ning gollari esa 47ta. “Burgutlar” o'zaro o'yinlarda 49 ochko ishlab olishgan bo'lsa, “arslonlar” 52 ochkoni qo'lga kirita olishgan. “Dinamo”ning oliy ligada “Andijon” ustidan erishgan eng yirik g'alabasi 6:1ni tashkil qiladi. “Andijon”ning samarqandliklar ustidan qozongan eng yirik g'alabasi esa – 4:1ga teng.

O'tgan mavsum “Andijon” oliy ligada o'ynamagan. Bu jamoalarning elitadagi so'nggi o'zaro o'yinlari 2012 yilda bo'lib o'tgan. Vodiydagi bahsda Ro'zimboy Ahmedov, Ivan Nagaevning (2ta) gollari evaziga “Dinamo” yirik g'alabaga erishgan. “Dinamo” o'z uyida ham shu hisobda zafar quchgan. Qizig'i Samarqandda ham Ivan Nagaev dublga erishgan va Ro'zimboy Ahmedov bitta to'p kiritgan – 3:0.  

Andijonda o'tgan so'nggi besh uchrashuv:
25.08.2012  Andijon – Dinamo  0:3
25.08.2011  Andijon – Dinamo  2:0
14.08.2010  Andijon – Dinamo  1:0
03.10.2009  Andijon – Dinamo  2:0
25.06.2008  Andijon – Dinamo  4:1

O'zaro o'yinlar haqida fakt : “Andijon” o'z uyida bo'lib o'tgan 18ta o'yinning 13tasida g'olib bo'lgan. 2ta uchrashuvda durang qayd etilgan. Uch bor “Dinamo” Andijondan uch ochko bilan qaytgan.

Narzulla Saydullaev.