Pikford "Everton" bilan uzoq muddatli shartnoma imzolaydi

Jordan Pikford bir necha mavsumdan buyon "Everton" uchun ajoyib o'yin ko'rsatib kelmoqda. SHu sababli unga qiziqishlar ham ortdi. Angliyaning birinchi raqamli posboni 2017 yilda 30 mln funt evaziga "Sanderlend"dan Mersisayd klubiga olib kelingandi.

Pikford "Tottenxem"ning jiddiy qiziqishiga qaramay, amaldagi jamoasi bilan uzoq muddatli bitimga imzo chekishga yaqin. U kelajagini joriy mavsumda omadi chopmayotgan jamoa bilan bog'lashga qaror qildi. So'nggi haftalarda muzokaralar jadallashib nihoyat Pikford yakuniy qarorni chiqarishiga olib keldi. 28 yoshli darvozabon klub bilan kuchda bo'lgan kelishuvining so'nggi 18 oyligiga kirib borayotgan edi.

Jordan Pikford joriy mavsum jami 23 ta o'yinda darvozani qo'riqladi va 30 ta to'p o'tkazib yubordi. U 5 ta "quruq" o'yinga ega.