PFL "Nurafshon"ni birinchi ligadan chetlatdi
30 okt 2017 14:33
Yangiliklar

PFL "Nurafshon"ni birinchi ligadan chetlatdi

“Nurafshon” futbol klubi O'zbekiston Professional Futbol Ligasi Ijroiya Qo'mitasining qaroriga ko'ra, futbol bo'yicha 2017 yilgi Birinchi Liga jamoalari o'rtasidagi O'zbekiston Birinchiligi qatnashchilari safidan chiqarildi.

“Nurafshon” PFK 27-tur doirasidagi “NBU-Osiyo”ga qarshi bahsga hamda 35-tur doirasidagi “Norin” klubiga qarshi bahslarga tashrif buyurmagani hamda “Nurafshon” PFK direktori D. Karimovning moliyaviy etishmovchiliklar to'g'risida yo'llagan maktubiga asosan Birinchi Ligadan chetlashtirildi.

Musobaqa reglamentining 4.26 bandiga asosan “Nurafshon” futbol klubi taqvimdagi o'yinlarning yarimidan ko'pini o'tkazib bo'lganligi sababli qolgan o'yinlarda jamoaga texnik mag'lubiyat, uning raqiblariga esa texnik g'alaba yoziladi. Klub xodimlari va futbolchilariga esa boshqa futbol klublari qaydnomasiga musobaqalar reglamenti asosida ro'yxatga kiritilish uchun ruxsat beriladi.

Havola :

Manba : pfl.uz

Yangiliklarni Telegramda o'qing!

Reyting: +10